屋企有個「大細路」超頭痛！研究發現老公比孩子更煩人，帶給老婆的精神壓力更多～！

Lifestyle Love Relationship

By Claire on 15 Mar 2019

香港媽媽平時要身兼多職，又要返工又要做家務，每日都忙到出晒煙，有時照顧埋小朋友真係會超攰～不過，以為小朋友係屋企中最煩人呢個諗法其實未必啱，因為有研究發現老公比小朋友更加煩人，係老婆壓力嘅主要來源！

據外國網站Bright Side報導，研究發現喺一個家庭中，已婚女性承受著巨大的生活壓力如工作、教育孩子等，令她們易出現頭痛、疲勞以及易怒的問題，而超過46%的受訪媽媽都表示，老公帶畀自己嘅壓力比孩子更加多！

丈夫像另一個「孩子」

報導表示大部分男人到43歲先會真正變得成熟，所以佢地都會好似屋企入面嘅大細路，會好似朋友咁同孩子一齊玩樂同胡鬧，而老婆則要擔任嚴厲嘅角色，負責督促同教導孩子，導致小朋友較傾向鍾意同爸爸相處，從以令夫妻間產生矛盾，使老婆有較多負面情緒。

一個受訪媽媽表示：「一個7歲的孩子就是個真正的小孩，我們不會對他有過多的期待。但一個35歲，卻像7歲小孩一樣的男人，讓人壓力很大，因為他應該知道得更多，做得更好。」

老公不幫忙分擔家務

調查顯示，每5個老婆就有1個表示老公完全唔會幫忙分擔家務！老婆要打掃、洗衫、煮飯、帶孩子，更要買生活用品、繳交水電費、規劃家庭開支等，與此同時老公喺到休息，令妻子唔耐煩更有極大嘅壓力！

喺傳統觀念影響下，令好多男人覺得家務係女性嘅責任，不過現時女性同男性一樣要工作，所以呢一套想法並唔適用於每個家庭～另外，就算係全職媽媽，佢地做家務所產生嘅經濟效益絕對唔會比丈夫工作少，但卻不被重視甚至有時被丈夫嘮叨小事也做唔好，令到佢地非常沮喪，所以兩夫妻好好分擔家務係婚姻快樂嘅關鍵啊！

老婆沒有私人時間

日頭返工夜晚買菜煮飯、放假做家務湊仔，一個媽媽可以擁有嘅私人時間少之又少，無時間放鬆享樂、舒緩情緒。而且大部分媽媽會將家庭責任全扛起，日常中發生咩事都會令佢地焦慮同怪責自己做唔好，一位媽媽表示：「在教育小孩的問題上，我自己做了很多決定。這讓我很緊張，因為一旦出現問題，就全都是我的錯。」而且老公又無適當開解妻子，所以令媽媽們都承受住超大精神壓力！