想提高EQ，煲劇好過睇知識性紀錄片！煲劇並不是廢人表現，為煲劇迷平反～

煲劇係好多人眼中都係「廢青」至愛嘅零消費活動，既可以足不出戶、又可以滿足各位劇迷嘅精神需要。各位煲劇達人有如吸毒一樣，一旦開始煲就好難停止落嚟，直到劇終一刻你會驚現自己已經瀕臨休克邊緣（笑）其實旁人眼中百害無一利嘅「堅毅煲劇精神」，竟然有助改善EQ!

Photo from kaman_kong ＠ ig

平日星期1至5番工已經好攰，有時候放假瞓醒已經係1，2點，午餐過後都已經係3，4點了，無特別節目真係唔會想出街同人逼，寧願好好喺屋企休養生息。你可能會毫不猶豫拎起電腦，睇吓有咩新劇可以追，結果一睇就變成馬拉松式煲劇，到最後連晚上嘅休息時間都延遲了。

Photo from kaman_kong ＠ ig

但外交有研究指出，煲劇有助改善EQ!奧克拉荷馬大學研究人員就「煲劇」行為進行研究，將參加實驗者先分成2組，一組睇得獎電視劇，而另一組就睇知識性紀錄片。完成後，就要求參加實驗者接受EQ測試，兩組參加者都需要觀察36張人物表情圖片，判斷出相中人物嘅心理狀態。

Photo from from Pinterest

如果你認為睇知識性紀錄片先會對腦袋有益，咁就大錯特錯喇！研究結果發現，跟睇紀錄片?組人做比較，睇電視劇組別明顯喺EQ 測試中表現更好，佢哋可以準確判斷相中人心理狀態，同時亦有較高嘅同理心、同情心。

Photo from from Pinterest

人哋話讀萬卷書不如行萬里路，睇嚟係讀萬卷書不如煲萬集劇啊～美國有科學家認同研究結果，指出電視劇係虛擬故事，令人產生幻想空間，久而久之會培養到創意力同推理能力。你諗下，我哋平時煲劇真係要用腦架～雖然紀錄片係知識類型，但就無煲劇咁講求「動腦筋」！

不過，煲劇始終係傷神，雖然唔係百害無一利，但女生都唔好太沉迷，廢寢忘餐始終都係對身體唔好呢～

Text：TopBeauty Editorial

Source: HuffPost

Photo Source：instagram