梅啟明坦言每個月拎梅媽2萬更自爆有做散工維持生計梅媽：佢炒嘢？我幫襯佢呀！

By Fennie on 16 Feb 2022

Digital Editor

梅艷芳胞兄梅啟明因控告製作《梅艷芳》電影的公司侵權而與梅媽鬧不和，導致雙方關係破裂，日前梅媽更登報要斷絶母子關係，而梅啟明昨日（15日）就開記招質疑梅媽收電影公司的錢，更指自己有工作。梅媽其後在接受訪問時對兒子的控告作出回應，並反問記者梅啟明在哪裡工作：「佢去炒嘢，去邊度炒？我去幫襯佢呀」。

Photo from 網上照片

指梅媽收了電影公司利益

梅啟明昨日開記招時，聲稱他之前提出控告電影公司，而梅媽收了電影公司利益，怕惹麻煩才會與他脫離母子關係。他更表示自己擁有梅艷芳商標，因此有權告電影公司侵權，表示誓要堅持到底：「其實喺我04年嘅時候已經註冊咗商標同版權。當初係我媽媽叫我入紙，我先行呢步棋，到我行咗之後，佢又要我撤銷。如果佢冇受咗人哋利益，佢就唔使驚打官司，就算告上法庭都係我嘅問題，同佢冇關㗎。」

Photo from 視覺中國

爆梅媽每月生活費25萬

梅啟明又爆梅媽每月生活費25萬元，卻只給自己2萬元，並聲稱自己並非貪財：「我貪財，我就一早貪咗啦！個個月貪佢一兩萬蚊，係咪咁講呀！仲話要養我一家大細，你估我真係殘廢㗎！我喺出面做過好多份工，做過地盤，裝修，廚房做到褲都濕埋，而我一路都做緊，係散工嚟嘅。」不過，梅媽現時已「閂水喉」，停止向他提供生活費。

Photo from sina

Photo from 節目截圖

梅媽反問兒子在哪裡工作

對此，梅媽其後在接受傳媒訪問時獲悉被兒子質疑收錢，才下令他撤控電影《梅艷芳》涉侵權一事：「我幾時叫佢告人？無端端點解要告人？佢要告人，依家賴落我身上。電影嘅嘢唔關我事，我冇收過人錢，佢想點講就點講，點做就點做，我費事再講太多。」

Photo from 網上照片

對於梅啟明指現時有做散工掙錢過活，梅媽感嘆：「佢去炒嘢，去邊度炒？我去幫襯佢呀，如果佢咁多工作，已夠自己使啦，使乜欠債？」

Text: TopBeauty Editorial

梅媽親揭女婿攜子失聯21年原因至今恍然大悟梅艷芳遺產安排苦心半年前不再經濟支援梅啟明

98歲梅艷芳母親梅覃美金登報斷絕母子關係梅啟明斥鐵石心腸！

14 Feb 2022

現年98歲、已故天后梅艷芳母親梅覃美金(梅媽)，今日正式登報與兒子梅啟明脫離母子關係！兩母子多年一直母子同心揚言要追討梅艷芳遺產，豈料梅媽如今竟登報和梅啟明斷絕母子關係！

Photo from Weibo

去年曾指兒子「財迷心竅」

去年電影《梅艷芳》上映時，梅艷芳胞兄梅啟明入稟高院，聲稱自己擁有「梅艷芳」商標，控告電影公司侵權，後來梅覃美金（梅媽）卻向傳媒表示兩人劃清界線，並指兒子「財迷心竅」，更被他激到高血壓入院。當時就表示要「閂水喉」，如果兒子再放肆就會斷絕母子關係。

Photo from IG:anita.mui_

Photo from FB:Royce Poon

正式登報脫離關係

本以為事隔多月，梅媽梅覃美金已下消氣，想不到今日梅媽真的正式登報跟兒子斷絕關係，聲明指：「本人梅覃美金與兒子梅啟明脫離母子關係，此後梅啟明在外一切華洋轇轕均與本人無關。」而她接受訪問時表示兒子負債纍纍，是他令自己走投無路要斷絕關係！

Photo from 上海電視台

梅啟明斥母親鐵石心腸

對於梅媽的行動，作為兒子的梅啟明也有回應傳媒，他坦承自己有欠債，但強調只是幾萬元，又指是因為梅媽要見孫兒，他才安排兒子由馬來西亞來港，而欠下的錢正是因兒子在隔離期間的酒店費，他也透露梅媽早在過年時已拒絕跟他聯絡，寧願在醫院也不想見他，現在母親視他就如仇人一樣、鐵石心腸，更表示自己也心淡，相信自己會比梅媽「早走一步」！