肥姐沈殿霞逝世14周年鄭欣宜懷緬媽咪盼遇上疼惜自己的人！

By Agnes on 19 Feb 2022

Senior Editor

有「開心果」之稱既肥姐沈殿霞，原來不知不覺已離開我們14年！女兒鄭欣宜（Joyce）就在社交平台上載了小時候與母親的合照並發表感受！

Photo from IG:princejoyce

揭開肥姐嚴母的一面

鄭欣宜（Joyce）在肥姐沈殿霞逝世14周年，分享自己與媽咪合照，只見相上的欣宜表情古靈精怪，而肥姐則是歡笑的從後抱著她，欣宜表示自己6歲至13歲期間影過的所有相入面，她的樣子都是古靈精怪，因為她小時候真的很曳，而一向平易近人的肥姐原來也是位嚴厲的媽咪「我嘈喧巴閉、跑來跑去、坐唔定嘅時候佢只會大聲喝我一聲『鄭欣宜』，再加多一個嚴厲眼神我就會靜止下來（其實通常唔使講任何野（嘢），掘我一眼就夠）。但當我最跩（曳）最跩（曳）例如蝦婆婆或者突然變Moody黑起塊面冇禮貌唔睬人或者講大話時⋯佢真係會兜巴星我。然後佢就會叫我跪喺地下掹住耳仔。最搞笑係，俾佢打完，我梗係會喊啦～佢就會叫我『唔准喊！』」

Photo from IG:princejoyce

責備後總會解釋原因

雖然肥姐會罰她，但又會有合適的時候「呵返」欣宜「當我開始感到內疚時真係諗得通了，佢一定會叫我『過嚟，錫返』，然後我就會好似隻小胖羊走到佢身邊，貼住佢。佢就會攬住我，好聲好氣同我解釋我錯喺邊度。佢會同我解釋」!

Photo from IG:princejoyce

等待像媽咪一樣疼她的人

鄭欣宜（Joyce）最後也抒發自己的期盼「佢都走咗14年了。人越大越珍惜佢那種不離不棄。無論我有多壞，無論我令佢多失望，到最終佢都會叫我『過嚟』然後錫返我。」更坦言希望遇到一個像母親一樣疼愛自己的人「如果我搵到一個，同樣對我不離不棄，當我嘈喧巴閉、跑來跑去、坐唔定嘅時候；當我唔覺意發洩我嘅脾氣喺別人身上、突然變Moody黑起塊面冇禮貌唔睬人(yes, i still do this often)、當我唔知點處理問題然而瞞騙世界進入報喜不報優的狀態嘅時候，都能接受我嘅好與壞，在任何情況的最終都會叫我「過嚟，錫返」嘅人⋯⋯就好?。」她更在最後也hashtag「我仍會等」!

Text：TopBeauty Editorial

鄭欣宜3千萬豪宅曝光！睡房放超大床及衣帽間、客廳容納20人明年再繼承6千萬遺產成小富婆

鄭欣宜跳唱時跌倒自嘲出道13年習慣在嘲弄中成長：跌低再爬起人生便是這樣

【叱咤2021】鄭欣宜成「女金」大熱努力多年兌現對肥姐承諾！

09 Nov 2021

「2021年度叱咤樂壇流行榜頒獎典禮」會在明年1月1日舉行，日前舉行的記招上，焦點除了落在MIRROR身上外，叱咤女歌手獎項方面，鄭欣宜（Joyce）亦同樣「大熱」備受關注！

Photo from IG:princejoyce

成女歌手金獎大熱

鄭欣宜（Joyce）繼年前〈女神〉一曲得到好成績後，今年在樂壇上又有突破性的好成績，合共派了5首歌上台，當中跨年上榜的《小夜燈》，以及《@princejoyce》、《先哭為敬》均是冠軍歌，《罰你》最高第11位，《最難行的路》仍上榜中。今年《先哭為敬》極受歡迎，除成為各家電台、音樂榜的冠軍歌曲，2月發表的《@princejoyce》亦登上五台冠軍歌，打破紀錄成為一年內有兩首歌贏得五台冠軍的歌手！

Photo from IG:princejoyce

回顧媽媽教導

鄭欣宜（Joyce）21歲時，媽媽肥姐沈殿霞不敵肝癌離世，在人生路上靠著努力不懈的態度做人，今年初肥姐離世13周年，欣宜留言指在13年前對媽咪肥姐許下承諾：「我會爭氣，我會乖，我會努力做一個有用嘅人。」回憶以前，欣宜在加拿大升學，肥姐在香港工作，「仲記得讀上中學時⋯⋯放學掛住玩。成日都唔做功課。讀書成績都算OK啦。都會有80幾分嘅。」不過維持不到一年，成績跌至不合格。

Photo from IG:princejoyce

沒有責怪考試不合格

鄭欣宜（Joyce）成績一落千丈後，但肥姐沒有責罵她「由細到大佢都俾好多自由空間畀我。從來喺讀書方面都好信任我會乖會鞭策自己。佢喺香港工作，我喺加拿大讀書。Grade 11 year佢突然暫停了自己所有工作飛返嚟話要陪我，亦都就係呢一年我學業開始退步。記得佢見到我啲分數時，佢冇打個、佢冇鬧我。我見到嘅反而係佢對自己嘅失望。好似喺到怪責自己點解唔攞多啲時間出嚟去鞭策自己個女讀書讀好啲。佢只係細細聲同我講咗一句『你要靠呢啲分數考大學㗎⋯⋯』當時見到佢咁失望，我真係寧願佢鬧我。」

Photo from IG:princejoyce

努力做人

鄭欣宜（Joyce）其後寫字條給肥姐道歉並承諾會努力讀書，畢業可以做到Honour Roll Student上台領證書﹗因為欣宜記得肥姐的教誨：「做人要有頭有尾，講得出就要做得到」。她曾坦言自覺自己沒有特別爭氣、沒有特別乖，亦唔覺得自己做到一個很有用嘅人，「但我一定有努力，i’m trying⋯⋯ i’m on my way there⋯⋯你教我的我都記得。請放心。」