【人夫放假約出去滾】黎諾懿自爆被太太裝APP監視行蹤 直言婚後生活大改變 現只會去2地方
由阿Bob林盛斌主持的《人夫放假約出去滾》近日邀請到嘉賓黎諾懿接受訪問，黎諾懿透露太太在他手機安裝「Find My Friends」的追蹤定位功能，美其名是擔心他出事第一時間可以救到他，事實上是用來監視他的行蹤！
Photo from 《人夫放假約出去滾》截圖
Photo from 《人夫放假約出去滾》截圖
透露太太追蹤行蹤
黎諾懿透露，太太在他的手機安裝「Find My Friends」的追蹤定位功能是不能關閉：「呢個功能冇得閂㗎，太太知我喺邊，有時就會叫我去附近幫佢買嘢！我而家好簡單，唔係金魚街就係花墟。」黎諾懿直言結婚之後，生活大為改變，現在的他會以家庭為主。
Photo from fb@黎諾懿 Lokyi Lai
分享湊仔經驗
黎諾懿亦分享湊仔經驗。他笑言由他去教大仔小春雞待人接物方面，他一句比太太十句還要好，讀書方面就交給太太：「我同太太有共識囝囝唔需要讀書好叻，因為世界一直轉變緊，尤其20年後佢投入社會嘅時候，應該好多工作已經被機械取代咗。」不過，黎諾懿認為唯一不被取代的是人腦的創意，因此他要求兒子要有獨立思考，而最重要的是語言，現在他已安排小春雞學日文、英文、廣東話及普通話。
Photo from fb@黎諾懿 Lokyi Lai
從緊張大師到放手讓工人照顧
黎諾懿表示自己出身貧窮家庭，長大後要主動關心社會有需要的人，因此積極參與慈善工作。對此，Bob笑言：「如果我個女嫁到好似黎諾懿咁嘅人，我就放心喇！」黎諾懿回應：「唔使怕，我有兩個仔，佢爸爸係富一代，佢哋都係叫富二代，好穩定啦呢單嘢！」同時稱自己照顧初生大仔小春雞時原本是緊張大師，後來後來細仔小冬牛出世，就懂得放手讓兩大長老同工人姐姐去照顧：「老婆叫我湊多啲，驚大個咗唔跟我，第時我日日塞五嚿水畀佢，佢就跟你啦！」
Photo from fb@黎諾懿 Lokyi Lai
Photo from fb@黎諾懿 Lokyi Lai
用行動證明自己可以給太太幸福
黎諾懿於2010年時同落選港姐李潔瑩撻著，初時他並不知道對方是富家女，當踏足豪宅時嚇了一跳，認為二人的家庭背景有差距，他公屋出身，自小就歷經人生五味，而李潔瑩則一出世就不用憂愁衣食住行，他有一度想過分手，但後來覺得自己的想法好傻，認為愛情是無法用金錢來衡量，最後決定用行動證明自己可以給太太幸福。
Photo from fb@黎諾懿 Lokyi Lai
Photo from fb@黎諾懿 Lokyi Lai
拍拖3年黎諾懿便決定與李潔瑩拉埋天窗，近年以「顧家好男人」形象入屋，湊仔煮飯樣樣出色，就連太太都稱讚他為神隊友。他們亦在上年迎接細仔小冬牛的出世，現在一家四口非常幸福。
Photo from ig@nicgogo
Text: TopBeauty Editorial
更多相關文章
黎諾懿自認身家追不上太太 不介意被批食軟飯 靠努力養家：太太覺得我可付託終身才下嫁
27 July 2021
最近宣佈太太又再懷孕的黎諾懿，日前在接受港台節目《舊日的足跡》的訪問時提起「五億駙馬」的稱號，他表示自從同太太一起之後就一直被外界批評食軟飯，他直言若是真的不用做，早已上岸，但他表示時間可以證明一切，他會靠自己的努力去養活家人，在事業上繼續創出一片天！
Photo from fb@黎諾懿 Lokyi Lai
Photo from fb@黎諾懿 Lokyi Lai
黎諾懿近年以「顧家好男人」形象入屋，湊仔煮飯樣樣出色，就連太太都稱讚他為神隊友。由於太太的家底厚，而黎諾懿則是公屋出身，自小就歷經人生五味，剛開始拍拖時他們去茶餐廳食飯，太太就被指紆尊降貴，就連坐黎諾懿架車亦被稱為爛車：「其實我架車係唔貴，不過唔喺爛，我哋住嗰間村屋都唔係破屋。」
Photo from fb@黎諾懿 Lokyi Lai
Photo from fb@黎諾懿 Lokyi Lai
黎諾懿與落選港姐李潔瑩結婚近7年，同時亦被外界指食軟飯講足7年，但他從來不覺得有壓力，反而認為太太是因為覺得他可以付託終身才答應下嫁：「話（我）食軟飯，唔緊要，都係我食，你哋唔需要咁勞氣。係，我身家短期內無可能追到女家，除非我中六合彩，仲要中幾次，做生意要做啲比特幣。」縱使經常惹來外界的批評，但黎諾懿選擇不理會，反而與太太繼續恩愛，做個愛錫老婆的好男人。今年年尾將喜迎第二胎，對於BB性別，黎諾懿表示要賣關子，不願公開。
Photo from fb@黎諾懿 Lokyi Lai
Photo from fb@黎諾懿 Lokyi Lai
現年41歲的黎諾懿已入行18年，他自認初期對娛圈事業滿懷大志，一心要成為劉德華、周星馳同古天樂：「怎知我被編入兒童組，心冷咗一截，後來有機會拍劇亦唔識珍惜。」他直言當年拍攝電視劇《隨時候命》時認識了鄭伊健，並從鄭伊健身上學到演技，試過走上監製房和監製理論，結果導致自己被雪藏，幸好在低潮時獲得鄭伊健扶持，現更懂欣賞新進演員，他點名大讚戴祖儀及黃庭鋒。
Photo from fb@黎諾懿 Lokyi Lai
「伊健好照顧我，我要登台佢任我去佢屋企揀衫。我最欣賞佢有赤子之心，對人好真，無論對方高高低低佢都用行動撐到底，佢由一個大哥哥變成我嘅同輩兄弟，乜嘢事我都同佢傾訴。」
Photo from fb@黎諾懿 Lokyi Lai
自從開設網上節目《疫境廚神》與網民分享煮食菜式之後就被封為「暖爸疫境廚神」，黎諾懿表示不想被定型，於是最近作了新嘗試，為馬來西亞特備旅遊節目擔任監製：「希望演戲之外不久將來我可以做到導演，我出咗聲喇！但未有人有反應，我要畀多啲信心佢哋先，我成日見到有周星馳作品、周星馳出品，好強！我都希望有黎諾懿作品。」
Photo from fb@黎諾懿 Lokyi Lai
Text: TopBeauty Editorial
