愛情世界需要這種一針見血！「為了寂寞而拍拖，只是代表你不懂照顧自己～」
剛剛過完白色情人節，你有發現身邊有咁嘅朋友嗎？因為頂唔順寂寞、頂唔順閃光彈，而嚷著：「我要拍拖！」人受到刺激時，總係會瞬間產生想改變嘅衝動。但喺拍拖前，記得守住呢條底線—唔好將拍拖當成解寂寞嘅任務。因寂寞而拍拖，你會發現結局往往係悲傷大於幸福，悲傷唔係來自於拍拖嘅動機，而係代表我哋無好好照顧自己。
Photo from from Pinterest
為寂寞而拍拖，有浪費時間嘅風險
一開始因為唔想寂寞而拍拖，各種悲劇就會接踵而來—當你隨便開始一段感情，但未有深入了解後就開始交往，交往一陣後，覺得對方唔好，後悔自己因為一時激情、衝動開始關係。最後你會發現花幾個月拍拖，又要再花多啲時間走出失戀嘅痛，甚至遇上恐怖情人，難以甩身......因為寂寞而拍拖，到頭來只係一種浪費青春嘅過程，時間一直推進，而你漸漸失去清晰嘅目標。
Photo from from Pinterest
你忘記自己其實都可以陪伴自己
當你唔識去陪伴自己、聆聽自己內心世界，就會開始希望從他人身上得到呢份關懷。但你為咗得到其他人嘅陪伴，更多時候，你付出更多、代價更大。你付出時間、精神、情緒，去應付另一個人，講到尾，只係因為你唔想應付自己。與其應付某一個人，何不好好應付自己需要？當中家都深信「只要有陪伴，就唔會寂寞」，所以一窩蜂往外尋求其他人嘅陪伴，卻偏偏忘記你都可以陪伴自己。
Photo from from Pinterest
99.9%人都擁有「陪伴」嘅能力
如果我哋擁有陪伴別人嘅能力，就意味住我哋已經學識「陪伴」呢種技能。陪伴自己嘅方法唔難，關心自己、聆聽自己內心、為自己煮一餐豐富嘅晚餐慰勞一日嘅工作、與自己分享一套電影...... 當你可以陪伴自己，就唔會再被寂寞牽著鼻子走，唔需要為咗填補所謂嘅空白，而拼命搵人陪自己，跌入死胡同。
Photo from from Pinterest
唔再感到寂寞，亦唔再感到匱乏。我哋更有能力睇清楚每個人嘅本質，好好跟你覺得值得嘅人相處，總有日會遇到「對的人」跟你走過人生長長嘅一段路。
Text：TopBeauty Editorial
Photo Source：Pinterest
