單文柔直認入行前已迷戀陳展鵬更被對方「花式」稱讚追到手直言丈夫婚前寡言婚後變慈父

By Fennie on 14 Mar 2022

Digital Editor

單文柔（Phoebe）與老公陳展鵬早前在TVB清談節目《諸朋戀友》中分享相戀經過，以及婚姻觀及相處之道，近日單文柔作客陳敏之YouTube Channel節目《Chi Chat》，除了分享老公陳展鵬的追求過程，更直認參選港姐前已經超迷戀對方，沒想到之後會同心中的男神相識、相戀及組織家庭。

Photo from YouTube截圖

入行前已迷戀陳展鵬

單文柔透露，早在英國留學時就有追看TVB劇集《單戀雙城》，當時是為了看陳茵媺，但在過程中就開始對男主角陳展鵬有好感，之後就變成迷戀對方：「而家同之前都迷戀佢嘅，屈服喺佢嘅五指山之下，但係以前可能再崇拜多啲，再鍾意多啲。」

Photo from fb@陳展鵬 Ruco Chan

2016年單文柔瞞着家人報名參選港姐，落選後入讀為期3個月演藝進修班而入行。雖然落選，但就成功令評判之一陳展鵬留下深刻印象，陳展鵬早前在節目《人夫放假約出去滾》中指自己對單文柔一見鍾情，更透露見到單文柔在台上好無信心，好想保護對方、給對方信心。

Photo from ig@smyphoebe

被陳展鵬「花式」稱讚而追到手

單文柔加入TVB後，她同陳展鵬因為公司台慶等活動而加深認識，她笑言在拍拖初期經常被男方「花式」稱讚：「未試過有人讚我讚得咁叻，我連攞個杯飲水，或者識得點樣落街佢都讚我『好叻，點解你咁叻，點解你諗到呢樣嘢咁勁！』即係可能我安排一啲嘢，好小事，佢覺得係好乖呀、好叻呀，我就覺得嘩，佢好識得欣賞我，覺得好好呀。」

Photo from ig@smyphoebe

坦言婚後有摩擦

拍拖一年幾後，二人拉埋天窗，更育有囡囡小豬比。有句話說：相愛容易相處難，夫妻相處是一生課題。單文柔透露婚後難免與丈夫陳展鵬有摩擦，而對方更開始挑剔，搞到單文柔有點不甘心：「我都話點解你冇以前讚我讚得咁多嘅？點解好似做啲咩都爭少少嘅？」雖然如此，但單文柔仍然非常迷戀老公：「但係佢始終都咁靚仔，我會好危險㗎嘛。」

Photo from ig@smyphoebe

陳展鵬婚前婚後「兩個樣」

單文柔亦透露，囡囡比較鍾意自己，搞到陳展鵬呷醋：「我老公成日覺得鍾意佢多啲，但其實唔係，所以我就盡量培養佢哋嘅感情，而家豬比見到爹地『No，唔鍾意爸爸』，佢好傷心，佢個樣直情係失戀，跟住『豬比，你有冇事呀？』係咁撩佢。」而認識陳展鵬多年的陳敏之，亦直言覺得男方婚前感覺嚴肅寡言，但婚後就變化很大，更「直頭變咗另一個人」：「佢而家好Nice，好開心呀，慈父咁呀，佢直頭變咗另一個人。」

Photo from fb@陳展鵬 Ruco Chan

Photo from ig@smyphoebe

陳展鵬曾經透露，自從與單文柔結婚之後，女方專心在家相夫教女，讓他可以放心外出工作：「以前我不會明白，一個男人踏出家門時很安心的感覺是甚麼。她令我很安心，見到女兒成長得很好，是她花很多心機。」看來單文柔成功收服陳展鵬，除了給到他好真、舒服、好有初戀的感覺之外，最重要的是讓男方有安心的感覺。

Photo from fb@陳展鵬 Ruco Chan

Text: TopBeauty Editorial

胡定欣被陳敏之追問是否遭欺騙過感情一度沉默曾被陳展鵬「利用到盡」慨嘆找對象不易

人夫放假約出去滾｜陳展鵬事業低潮期曾做地盤散工遇單文柔改變一生！

03 Mar 2022

TVB節目《人夫放假約出去滾》由阿Bob林盛斌主持，日前就有陳展鵬接受訪問，他除了大談與老婆單文柔的認識經過，更大爆自己入行至今的辛酸史！

Photo from Youtube

Photo from IG:rucochan

本身懷有歌星夢

陳展鵬最為人所知的就是他的演藝事業，然而原來他本身其實有個歌唱夢，他感嘆「其實都好失望，喺TVB都做咗一段時間，本身想雙線發展，但就只能夠二選一，然後入咗去寶麗金唔夠兩年執笠。夢碎咗唔緊要，但冇錢，唔知之後點行，又唔想冇嘢入返TVB，唔想咁樣，然後好彩識咗出面電影公司人去拍電影，但唔夠一年又冇埋。」事業彷彿處處碰壁。

Photo from Youtube

做地盤不用看人面色

在事業低谷期時，陳展鵬表示自己曾有一段很迷茫的時間「嗰五、六年輸咗畀自己，做乜輸乜，個環境又差喎！我性格比較內斂，個樣又寸寸貢，唔會去主動搵人畀機會，後來愈來愈唔掂，焗住去敲門，臨時演員都去做吓，嗰時仲開始沉淪，去蒲吧唔知自己做乜……純粹去?女，又冇錢，好頹廢。之後又教返打乒乓波又做地盤，地盤好搵日日Pay三嚿水，唔使睇人面色，做完嘢就走。」看到他的經歷我們才會知每段看似風光的背後都遇過諸事不順的經歷，如果去哪裡都碰壁的話，也許我們一早就放棄掙扎了！

Photo from ATV

重提亞視月曆卡

陳展鵬表示演藝這一行之中每一個人都會有不如意的時間「頭兩、三年都覺幾辛苦，辛苦係捱唔到，冇時間休息，我以前做運動員係11點瞓，但去到TVB凌晨4點起身，放工又天光先放。個時拍戲唔興有凳，係啲大哥大姐先有得坐，我哋就企，有時十粒鐘。個段時間係要捱囉，生活節奏同體能搞唔掂。」後來他就決定去亞視重頭做起，Bob提及他的月曆卡時，陳展鵬也忍不住尷尬笑，然後透露由TVB至ATV，人工由4萬減至1萬，而單是交租都已要8千元！

Photo from IG:rucochan

笑老婆當年「肥嘟嘟」

現時已成為人夫的陳展鵬，與老婆單文柔育有愛女「小豬比」，他表示當年2016年做港姐評判時已對單文柔有好感「你話係咪好鍾意？唔係好鍾意，因為我哋都經歷過好多階段。」而老婆當初吸引他的竟是因為散發著楚楚可憐感覺「唔知點解喺台上面，我覺我佢好似好冇信心，你好想去保護佢，畀啲信心佢。」他更斗膽笑言老婆當年無現在般漂亮，當年「肥嘟嘟」。