外傭姐姐拍片批僱主涼薄 以流利廣東話要求被善待 網民反應兩極
香港地搵食艱難，很多父母需要外出工作才能有足夠收入應付開支，所以對於不少人來說，請到一名得力的外傭絕對可以幫輕家頭細務，奈何聘請工人姐姐絕非易事。近日網上流傳一段外傭自拍影片，期間態度囂張引起迴響，但一字一句道出不少外傭姐姐的心聲。
Photo from contrinx's fansclub YouTube 截圖
Photo from contrinx's fansclub YouTube 截圖
印傭拍片呻辛酸鬧僱主
在全長1分鐘的影片裡，外傭姐姐一邊在廚房吃東西一邊對鏡頭大肚苦水，直言僱主刻薄，人工低工時長，雖然口音好重但廣東話尚算流利，講中不少打工仔的辛酸。影片中她一臉不屑，更在片中大講金句，「你畀錢幾多啫，4千幾下嘛，4千幾有幾多，仲縛你24小時，吓！放假又無得放，仲講？無話有錢大晒呀下，你而家試吓搵工人，睇下公司有無人。」
Photo from contrinx's fansclub YouTube 截圖
「你知唔知呀？工人都係人，唔係機械人」
外傭姐姐又表示，雖然現時外傭市場供不應求，但薪金並不多，而根據本港外籍家庭傭工（外傭）的「規定最低工資」是每月4,630元，僱主同樣必須為外傭提供膳食或津貼代替，每月不少於1,173元。她呼籲僱主要給予合理工作量，要善待及珍惜工人姐姐，續言：「你知唔知呀？工人都係人，唔係機械人，你要做乜就做乜，你講乜就講乜，你係老細咩都啱晒，你唔使請人你去做？好簡單，係咪呀？」
Photo from contrinx's fansclub YouTube 截圖
再度拍片呼籲互相尊重
由於事件持續發酵並引起民眾廣泛討論，自知言語失態的印傭姐姐日前再拍片回應，不過今次的態度明顯平靜得多，她表示拍片原意是希望僱主可以多體諒外傭，了解對方難處，也希望教好其他外傭：「唔一定要駁嘴，唔一定要好叻講嘢嘅，只不過識得點樣做人。」好多時候印傭照顧一家大小起居飲食，還要處理家頭細務甚至忙足24個鐘，希望僱主應多體諒及關心， 並表示如果僱主肯用心教，外傭都會願意去學及做事。
Photo from contrinx's fansclub YouTube 截圖
曾在新加坡工作深得前僱主歡心
外傭姐姐在片中提及自己從事外傭工作超過20年，對上一位僱主是在新加坡的家庭，對方待她如家人，除了細心教導和給予關懷，亦會教她如何工作和待人處事，就算多年前轉到香港工作，前僱主也曾飛來香港探望。因此，她認為只要僱傭雙方互相尊重，相處上就會開心，而不是一開口就責罵：「點解你咁蠢？我同你講你又收唔到」，因為「心情如果唔好嘅話，我哋都唔想做。」
Photo from contrinx's fansclub YouTube 截圖
網民反應兩極
由於影片中外傭姐姐一臉不屑，故有不少網民批評她態度惡劣，甚至質疑她既然在香港打工有諸多不滿，何必要委屈自己繼續留港而不另謀高就？不過亦有網民認為外傭姐姐的觀點不無道理呼籲僱主要將心比己：「外傭離鄉別井來到香港工作，放低自己家庭照顧人哋嘅家庭，搵到錢亦都好大犧牲，同一屋檐下，希望僱主多多體諒，互相包容」。
Text：TopBeauty Editorial
更多相關文章
Bob林盛斌與家中外傭撞樣似兄妹？曾為對方慶生視如家人！
21 Mar 2022
Photo from ig:bob_lamshingbun
View this post on Instagram
工人姐姐模仿力超強
Bob林盛斌日前就分享一條短片，片中Bob家中的工人姐姐Nita以囂張語氣對鏡頭說「你係老細乜都啱哂。工人係人，唔係機械人呀！你而家請工人請到咩？」豈料Bob剛巧在背後行過就問發生何事，而姐姐就即刻收起電話稱沒事。
Photo from ig:bob_lamshingbun
Photo from FB
網民指兩人十足餅印
姐姐模仿能力的強大令網民捧腹大笑，但另一個焦點就是Bob與工人姐姐Nita的外表十足餅印，就連Bob林盛斌也親自回應「佢係我阿妹嚟㗎，似唔似樣呀？」亦有不少網民提議Nita可以加入TVB《愛·回家之開心速遞》與飾演外傭Liza的姜麗文做同鄉！
Photo from FB
Photo from FB
Photo from FB
視外傭如家人
就如短片的工人姐姐所言「你而家請工人請到咩？」現時外傭難求，而好姐姐更難能可貴！從Bob與姐姐的互動看到兩人的關係十分良好，其實Bob林盛斌除了為社會不平發聲外亦是一位好有心的僱主，去年他也曾為外傭姐姐Nita慶祝生日，當時Bob寫道「而家要搵到一個好嘅姐姐，機率係同中六合彩差唔多。Nita，生日快樂，開開心心，辛苦你成日俾人話似我個妹！」當時有網民稱姐姐遇到他一家很幸福，Bob回覆「我遇到佢先係幸運」！
Text：TopBeauty Editorial
