徐榮少不更事自認靚仔拍得住金城武 眼看同學極速上位鬱鬱不得志
林盛斌（Bob）主持的訪談節目《人夫放假約出去滾》最新一集嘉賓是徐榮，他們一邊打邊爐、一邊傾談入行、結婚、做爸爸的不同人生階段。徐榮報讀TVB藝員訓練班入行，同期有林峯、楊茜堯、張美妮等，他憶述當時薪金只有4,000元，為了慳錢與同學參加大胃王挑戰，只要在限時內吃完就無需付錢。
Photo from TVB截圖
Photo from TVB截圖
曾年少氣盛自認靚仔過林峯
1999年，徐榮參加第13期TVB藝員訓練班入行。身為昔日小生的林峯的同學，起步卻比林峯及楊茜堯遲，林峯畢業後半年極速上位，而楊茜堯先演過一輪姦夫淫婦、師姑、做禮儀小姐等才開始上位，被問到會否感到自卑，他說：「成班訓練班同學，冇比較就呃人，當時成日諗『阿峯做啲戲，我都做到吖』他笑言自己的樣貌不輸林峯：「我覺得自己係金城武嗰種，睇自己特別靚仔，我當時覺得自己靚仔過林峯呀！」
Photo from tsuiwing0807 @ ig
Photo from weibo
眼看同學陸續上位曾心有不甘
後來這種銳氣在4、5年內慢慢消退，眼看同期已經成為當家小生花旦，而自己卻鬱鬱不得志，當時離開TVB又心有不甘，出外闖去又不知道如何是好，唯有硬著頭皮繼續做好每個角色。直到2005年在《火舞黃沙》得到一個可以發揮的機會，以為上位在望，殊不知又再次演手下、職員等閒角，「惟有不斷心理建設，加強再加強！」近年徐榮在每個角色花盡心思，目的是為了讓觀眾看到不一樣的自己：「呢個係我畀自己要求，每齣劇都想有少少唔同，老實講廿幾年，一年有兩至三套劇有你份，我都想觀眾睇到唔同嘅嘢，咁樣對觀眾同自己有交代。」
Photo from tsuiwing0807 @ ig
Photo from TVB截圖
入行23年6度失落男配角
入行23年的徐榮一直默默耕耘，曾六度被提名「最佳男配角」，可惜最後仍失落於獎項。心灰意冷的徐榮說：「以前啲頒獎禮有入圍，我諗定好多嘢講，呢幾年已經冇諗，唔係冇咗熱情，只係慣咗……習慣咗呢個行業。反而期望觀眾嘅迴響，話拍得好好就ok，呢啲諗法我可以控制到，但獎項我控制唔到。（都想攞獎？）攞獎唔係因為我想要個獎，而係我好想好想多謝呢廿幾年一班幫過我嘅人。」
Photo from tsuiwing0807 @ ig
廿四孝好老公及好爸爸
徐榮不旦演技好，同時也是位廿四孝好老公及好爸爸。徐榮憶起，與女朋友拍拖兩年就決定結婚，他形容兩人的愛情來得非常舒服自然，甚至連求婚都冇，「其實我麻麻結婚呢樣嘢，因為好怕煩，後來決定有小朋友就結婚啦！小朋友喺一段婚姻入面好緊要，如果冇小朋友，我諗我一定離咗婚。」他憶述太太在她未有事業基礎時仍答應下嫁，因此後期徐榮在事業有了起色、有經濟能力之後，便將所有錢財都交由太太管理，買了物業更歸太太名下。
Photo from tsuiwing0807 @ ig
Photo from tsuiwing0807 @ ig
Text：TopBeauty Editorial
更多相關文章
【人夫放假約出去滾】袁偉豪被指嫁張寶兒唔憂做 直言有好多鬱結 不介意在愛妻面前做弱者
10 Mar 2022
由阿Bob林盛斌主持的訪談節目《人夫放假約出去滾》最新一集邀請到袁偉豪做嘉賓，大談他同太太張寶兒的相識經過、性格和相處。袁偉豪提到被指女尊男卑而造成心中鬱結，直到結婚後才改變心態，更表示願意在太太面前做弱者：「我搵到一個人我心靈上可以依靠，我可以喺佢面前做一個弱者。」
Photo from fb@袁偉豪 Benjamin Yuen
與太太的性格一凹一凸
袁偉豪指太太張寶兒的性格較外向和活潑，與文靜的他性格上是一凹一凸：「佢又唔係好嘈，但佢對每一件事都好真摯，特別係將我嘅爛Gag抬到好高，無聊事佢都可以好開心。」二人於2017年拍攝旅遊節目《打工捱世界II》結緣，更一trip定情：「每一日我都會飲咖啡，有一日佢走嚟同我講『你都幾似鬼佬㗎喎﹗』咁我飄飄然，心諗你都幾欣賞我喎﹗」之後二人互相試探，傾人生、音樂，又傾會不會想快手結婚，然後袁偉豪便問張寶兒：「如果你做我背後嘅女人咁會點啊？」袁偉豪表示張寶兒聽後沉默，當時「靜過太空」，場面尷尬。
Photo from fb@袁偉豪 Benjamin Yuen
Photo from fb@Bowie Cheung 張寶兒
與張寶兒結婚不想重複上一段戀情的結果
後來二人返港正式開始拍拖，袁偉豪大讚張寶兒照顧他和家人都非常之好。但當講到為什麼會結婚，他表示不想再重複前一段關係發生的事：「上一段感情本身想低調，但因為記者朋友發現或者有人通風報信，你唔知點對策，喺事業上升期嘅時候只能夠講我哋係好朋友」，到事業穩定時，袁偉豪承認戀情，外界就會有比較「上一個就好低調，而家呢個就曬恩愛」，袁偉豪直言︰「大佬呀唔關我事架，你哋想我點？」似乎他口中所形容的上一段戀情，正是他跟岑杏賢的一段情。
Photo from fb@袁偉豪 Benjamin Yuen
Photo from fb@Bowie Cheung 張寶兒
直言在太太面前做弱者
袁偉豪坦言自從公開與張寶兒的戀情後不斷承受外界聲音，特別是宣布婚訊後換來的不是祝福，而是一大堆負評，令到他有感這一行不要需要自己：「啲人會覺得我同個家境幾好嘅女仔結婚，我就唔使做，話我嫁咗畀張寶兒。」更直言這個鬱結花了一段時間才能解脫。不過，袁偉豪表示與張寶兒結婚之後互相扶持，更甜蜜表示太太是心靈上可以依靠的人，不需要面子及任何枷鎖：「我可以喺佢面前做弱者，其實做弱者聽老婆話，有乜咁難啫？」
Photo from fb@Bowie Cheung 張寶兒
Photo from fb@Bowie Cheung 張寶兒
婚後兩公婆互相支持
婚後張寶兒不只做幕前，又涉獵幕後的形象設工作，為自己的工作重新定位，袁偉豪表示太太會疑問自己在公司還有沒有位置：「好多人都覺得佢嫁咗啦！正如好多人都話我都嫁咗畀張寶兒，使乜做啫？」正正是這些挑戰，他們兩公婆更加互相支持對方。
Photo from fb@Bowie Cheung 張寶兒
人生第一桶金就是娶張寶兒做老婆
袁偉豪和張寶兒結婚後被指入豪門做億萬駙馬，他們兩公婆去年為慶祝結婚一周年而特別安排到酒店Staycation，當時他坦言太太張寶兒是他的最大投資，又表示人生第一桶金就是娶了張寶兒做老婆。他們亦不斷互數對方的優點，張寶兒感激袁偉豪樂意為她拍照、拍片，更加好欣賞丈夫為人坦白、不愛計較，對身邊的人非常大方，袁偉豪又指老婆讓他滿足兒時買車買玩具的興趣，又體諒他與女拍檔拍親熱戲。兩個不同個體的人在一起就是要互相欣賞，婚姻才能長久維持。
Text: TopBeauty Editorial
