姚子羚單身後生活更精彩！向愛妻號張兆輝請教夫婦恩愛秘訣，為下段感情做好準備～

37歲嘅姚子羚今年初同闊少男友鄭子邦分手，結束長達3年嘅感情。姚子羚入行16年，中間只承認過兩段感情，有指佢呢兩段情分手嘅原因，都係同結婚有關。 分手後，佢因為工作而遊走幾個國家，無因為失戀而一蹶不振，生活反而變得更精彩。近日，佢就同被公認係好老公兼好爸爸嘅張兆輝合作，Elaine仲向佢請教兩夫婦嘅恩愛秘訣，希望可以為下段感情做好準備！

 

在 Instagram 查看這則貼文

 

姚子羚 Elaine（@elaine_yiu）分享的貼文 於 PDT 2018 年 10月 月 9 日 下午 10:40 張貼

Elaine前男友鄭子邦，坐擁過百部的士以及過億物業，被傳媒稱為「有米闊少」，Elaine話過自己當初係被對方率直又善良嘅性格吸引，可惜最後佢地維持咗3年嘅戀情突然告終，有指佢地嘅分手原因係鄭子邦未準備好結婚。

 

在 Instagram 查看這則貼文

 

姚子羚 Elaine（@elaine_yiu）分享的貼文 於 PDT 2018 年 7月 月 5 日 下午 11:28 張貼

另一段Elaine承認嘅戀情，係同有傳任職投資銀行兼夜場嘅老闆Patrick Cheong，當時佢地被記者影到秘密外遊，更加有報導指Elaine會同男方結婚，不過後來，佢被指因逼婚導致男友提出分手，戀情因此告終。

 

在 Instagram 查看這則貼文

 

姚子羚 Elaine（@elaine_yiu）分享的貼文 於 PDT 2018 年 5月 月 10 日 上午 5:24 張貼

Elaine已到達適婚年齡，自然有組織家庭嘅打算，只可惜一直搵唔到一個可以付托終生嘅人，而最近因為拍攝新劇嘅關係，Elaine就乘機向張兆輝夫婦請教恩愛秘訣，希望可以為下一段感情做好準備呀！

 

在 Instagram 查看這則貼文

 

姚子羚 Elaine（@elaine_yiu）分享的貼文 於 PST 2018 年 2月 月 18 日 下午 11:42 張貼

55歲嘅張兆輝係大家公認嘅好老公、好爸爸，同太太郭碧妍結婚21年，育有一囝一囡，結咗婚咁多年一直都好恩愛，係圈中嘅模範夫妻～

Photo from 張兆輝@Weibo

而兩夫妻之所以咁甜蜜，主要係因為佢地識得互相欣賞對方。張兆輝心入面覺得太太好漂亮又好叻，可以娶到咁好嘅女人，佢覺得自己一定要好好珍惜。

Photo from Weibo

同樣地，張兆輝嘅太太都好欣賞老公，覺得張兆輝顧家、重視家庭又專一，因為張兆輝會自動自覺抵抗外界誘惑，珍惜自己嘅家庭 ，兩人互相欣賞，令熱情度可以一直維持住～

Photo from 張兆輝@Weibo

即使結婚多年，張兆輝一直將老婆當成係「女兒」咁照顧，因為太太平日生活細節上好「大頭蝦」，成日會唔記得幫手機充電，搞到手機無電用，張兆輝會因為聯繫唔到佢而好擔心，所以只要張兆輝喺屋企，就會幫太太嘅手機充好電。

Photo from 張兆輝@Weibo

對於外來嘅誘惑，張兆輝為咗避免同女演員傳出緋聞而令太太擔憂，就會避免比女演員坐佢「順風車」，因為曾經有同佢一齊拍攝嘅女演員因為同佢住埋同一區，而成日坐佢順風車，更加一度因為誤會佢對自己有意思而變得主動，張兆輝察覺之後就立即避開對方，自此之後避免再犯上一樣嘅錯～

Photo from 張兆輝@Weibo

張兆輝曾經稱自己做「家庭狂」，認為「男人最重要的就是家庭，如果家庭不開心，不溫暖，工作就沒有動力」，可見佢比到太太好大嘅安全感。

Photo from 張兆輝@Weibo

今年3月，Elaine宣佈同鄭子邦分手，失戀後，佢決心要專注工作，因工作關係佢到訪唔到國家，除咗沖繩同新疆，更因為拍攝綜藝節目《兄弟姊妹去旅行》同蕭正楠、曹永廉以及胡定欣去過東非、瑞士與泰國，生活多姿多彩，藉工作外遊散心，相信佢已經慢慢走出傷痛，希望佢可以搵到一個好似張兆輝一樣嘅好男人～

 

在 Instagram 查看這則貼文

 

姚子羚 Elaine（@elaine_yiu）分享的貼文 於 PDT 2018 年 9月 月 12 日 下午 10:57 張貼

Text：Girlslike Editorial

Photo Source：Instagram