解開6項鮮為人知的英國皇室規條~英女皇利用手袋和助手傳遞秘密信息、英女皇的新鞋並不是她最先著上！

英國皇室成員嘅一舉一動向來都備受關注～但原來喺萬人景仰、華麗背後都有多條皇室規條要遵守，務必以最佳狀態示人。依家就同大家解開英國皇室成員鮮為人知嘅皇室規條啦～

1.皇室女性多數以左手攞手袋

皇室禮儀專家Myka Meier曾說過兩位公爵夫人Kate Middleton同Meghan Markle多數需要以左手攞手袋，目的係為咗要能夠騰出右手向公眾揮手同握手。

Photo from pinterest

Photo from pinterest

2.英女皇手袋可用來傳遞秘密信息

英女皇喺公眾場所會透過手袋同助手傳話～例如當英女皇晚餐後要離席時就會將手袋放喺枱上，助手就知道係時候安排英女皇離開。另外，當英女皇喺談話期間將手袋換到另一隻手時，即意味著佢想禮貌地結束對話。

Photo from pinterest

Photo from pinterest

3.英女皇穿著色彩艷麗服裝係為咗公眾看到

90年代有套名叫《女皇》嘅紀錄片，英女皇嘅媳婦威塞克斯伯爵夫人講過：英女皇需要喺人群之中脫穎而出，令圍眾可以清楚見到佢。

Photo from pinterest

Photo from pinterest

4.皇家成員外遊時必須攜帶一套黑色套裝跟身

事情源於1952年~英女皇仲係伊麗莎白公主時，父親George VI喺佢出訪肯尼亞期間去世。但當時英女皇因為無隨身攜帶黑色套裝，因此要喺飛機等待人送衣服俾佢換上先可以步出專機。自此皇室成員外遊時必須攜帶一套黑色套裝以便不時之需。

Photo from pinterest

Photo from pinterest

5.皇家男性8歲前只可穿短褲

大家有無留意到即使喺冬天，喬治小王子都總係著短褲～原來依個係英國皇室同貴族長期存在嘅傳統！英國禮儀專家William Hanson曾解說過：長褲適合年齡較大嘅男生或男人，而男孩只穿短褲係英格蘭經典標記之一，所以男孩喺8歲先開始著長褲。

Photo from pinterest

Photo from pinterest

6.英女皇僱用了一個人來穿佢嘅新鞋

因為英女皇一年要出席多個皇室活動，為免英女皇因穿著高跟鞋或時髦嘅皮鞋而勞損雙腳，因此會僱用了一個人著上米色棉質襪，再著上佢嘅新鞋喺地毯走路，目的係要減低英女皇因新鞋帶來不適嘅摩擦感～設計師Stuart Parvin回應傳媒講過：新鞋必須穿著耐咗先舒適，所以英女皇先會僱用人先著上～因為作為女皇唔能夠因爲新鞋唔舒服而離場。

Photo from pinterest

Photo from pinterest

Text：TopBeauty Editorial

Photo source：Pinterest