王祖藍囡囡改名叫王天韻!女兒百日宴靚樣曝光,遺傳媽咪李亞男優良基因,眼大嘴細超可愛~!

王祖藍囡囡改名叫王天韻!女兒百日宴靚樣曝光,遺傳媽咪李亞男優良基因,眼大嘴細超可愛~!

Hot Topics
By Claire on 18 Mar 2019

王祖藍同李亞男結婚後誕下女兒Gabrielle,昨日於主題公園舉辦百日宴,宴請親朋好友到場同祝賀,而Gabrielle嘅靚樣同中文名同時曝光,將改名做叫「王天韻」,寓意「天上嚟嘅音樂」!

昨日兩公婆於主題樂園宴開逾40圍,邀出眾多群星出席到賀,祖藍上台致詞時宣佈Gabrielle嘅中文名:「我拍緊《你咪理》嘅時候,阿女只要一聽到戲入面嘅音樂,就會踢佢媽咪個肚。我覺得佢係天上嚟嘅音樂,所以佢個名係叫做王天韻。」

兩小口為囡囡精心打扮,著上粉紅色小紗裙同灰色小外套,坐喺BB椅上猶如小公主般,而李亞男則一身粉色晚裝,身材纖瘦、個樣十分精神完全唔似啱啱生完小朋友!

而演藝圈有唔少好友出席,如苟芸慧夫婦、方力申、薛家燕母女、蔡少芬一家四口、羅敏莊一家三口、林盛斌老婆同4個女、陳豪一家五口等等!

驚小公主影相會攰,一見到囡囡打呵欠就會立即陪月姐姐帶返後台休息,兩夫婦好貼心地準備咗Gabrielle嘅1:1人形紙牌公仔,等每個賓客都可以同小公主影到相!

Gabrielle完全遺傳媽咪嘅優良基因,眼大大嘴細細十分可愛,爸爸王祖藍接受訪問時笑言感激老婆改變王家基因:「好多謝你呀!王家因你而改變!醫生仲話,我個女喺同齡嘅BB嚟講算係高㗎!」

祖藍又話:「我好開心,初初BB出世時未收水,好似我咁一Pat嘢。但後來佢收水後,我就感恩佢愈嚟愈似我老婆。其實我啲DNA都好強㗎,估唔到輸咗畀太太!」

恭喜晒祖藍同亞男~祝Gabrielle快高長大、越大越似媽咪!

Text:TopBeauty Editorial

Photo source:Instagram

 

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK