行動不便公公下跪兌現承諾：手術後送欠妳的鑽戒，一定要平安渡過回來我身邊！

By Maggie on 20 Mar 2019

Digital Editor

love yourself and the rest will follow.

年輕人成日話依個年代結婚係一年好困難嘅事～樓價貴、酒席貴、養個細路仔又貴，真係少個錢都搞唔掂。但係喺美國就有一對共患難65年嘅老夫妻喺無婚戒、無華麗結婚場地，只有一份真摯嘅愛嘅愛情情況下結成了夫妻。如今大家都80幾歳了～但依然甜蜜如最初，而最近公公更買咗隻當年欠婆婆嘅鑽戒再次下跪求婚，身邊嘅人都感動到落淚了～

公公同婆婆65年來都糖痴豆咁，從來都無離開過大家半步。孫女仲周不時捕捉公公婆婆日常甜蜜互動發佈到網上同大家分享，係大家眼中羨慕嘅一對。

Photo from twitter@christinacherie

「手術成功就送妳一直欠妳嘅鑽戒，一定要平安渡過回來我身邊」

但就喺婆婆81歳時健康開始變得好差，多次中風後又遇上心臟問題需要進行心臟手術。從未同婆婆分開過嘅公公都焦急起來，好怕婆婆忽然離開人世。於是公公對婆婆許下承諾：手術後送妳一直沒送妳嘅鑽戒，一定要平安渡過回來我身邊～公公手術前輕吻婆婆額頭，依依不捨咁道別～

Photo from twitter@christinacherie

「妳願意嫁俾我嗎？我最愛嘅女孩」

婆婆醒後，公公無忘記到送鑽戒依件事～手術成功後幾日就同孫女去到百貨公司挑選咗一隻鑽戒俾婆婆。行動不便嘅公公扶著櫃檯小心翼翼咁跪喺地上同婆婆講：妳願意嫁俾我嗎？我最愛嘅女孩～身邊嘅人都被依個場景感動到落淚了！雖然公公婆婆無可能一直永遠陪伴著大家，但係喺大家在世時好好珍惜對方先係最重要！