張紫妍和一眾受害人有望沉冤得雪！韓總統文在寅：檢察廳、政府賭上組織命運都要徹底查明真相！

By Michelle on 19 Mar 2019

Digital Editor

BIGBANG前成員勝利醜聞持續發酵，喺韓國掀起高度討論同謾罵，連帶勾起10年前韓國演員張紫妍因要求「陪瞓」，向過百個男子提供性服務，不堪侮辱而自殺。雖然事件當年震驚全國，但最後都以「證據不足」為由結案。而今個月就係張紫妍案嘅訴訟期結束之月，韓國網民喺韓國青瓦台國民請願板發動聯署，要求延長申訴期至2025年。另外，媒體《Dispatch》亦爆出呢單案件嘅新證據，由於事件迥響再度擴大，韓國總統文在寅必須回應請願～

Photo from from Sina

張紫妍2009年3月被發現於寓所上吊自殺身亡。透過遺書揭發2005年至2009年期間，被經理人公司The Contents Entertainment要求提供性服務，對象包括各大企業、金融機構、演藝公司和新聞機構等，除咗曾提供過百次性服務，張紫妍曾更被4個男人強姦同毆打。直到2018年，韓國文化廣播公司（MBC）揭露張紫妍自殺案件嘅涉案名單，指出佢本人唔單止受到所屬經人公司侮辱同脅迫，甚至連張紫妍媽媽忌日或者係拍攝劇集期間亦被強迫提供性服務。當中最令人髮指係The Contents Entertainment要求逼張紫妍吸食毒品、進行結紮手術，方便進行性行為時可以唔帶避孕套都唔會懷孕！

Photo from photo.hongjupyo ＠ ig

但案件調查多年，只有經理人老闆一人被拘捕同處罰，其他喺遺書中提及過嘅名單，就因為證據不足而仍然逍遙法外。

Photo from from Pinterest

其實除咗張紫妍外，同屬The Contents Entertainment嘅李恩宙、鄭多彬同崔真實，亦先後於2005年、2007年和2008年自殺，令人不禁懷疑The Contents Entertainment有否涉及威迫旗下偶像藝人提供性服務，令佢哋先後自盡身亡。

Photo from from Pinterest

今次醜聞牽連甚廣，同時令韓國政府顏面盡失。南韓總統文在寅日前就透過青瓦台發言人宣布：「即使是過去發生嘅事，檢察廳同政府即使賭上組織命運都要徹底查明真相。」換言之，過去10年發生嘅悲劇，有機會等到水落石出，彰顯公義嘅一日！

Photo from from Sina

關於張紫妍翻案一事，唔單止有一眾藝人支持。韓媒《Dispatch》近日更報導出新證據！報道提及到當時女星李美淑為咗要脅其經理人公司以換取自由身，又知道公司強逼張紫妍向唔同人提供性服務，於事呃張紫妍將接客名單寫低，訛稱會救佢，最後利用張紫妍對佢嘅信任，將事件公開以換取自己跟公司嘅談判籌碼，令張紫妍大受打擊走上絕路。換言之，所謂嘅「遺書」實際上係張紫妍生前寫下嘅一份「接客名單」。

Photo from from Sina

一連串醜聞唔單止係茶餘飯後嘅話題，更揭示韓國司法制度同政治非常黑暗。文在寅嚴厲批評：「在人民眼裡看來有強烈嫌疑的事情，經過很久歲月仍無法查出真相、甚至被掩蓋，且普遍的特徵竟是發生在社會上有特權的階層，看起來就是警方、檢方在調查是故意、不誠實調查，又或者看起來是試圖掩蓋真相、或隱瞞！」希望今次真係可以還眾多受害人一個交代吧～