鬧交只因在乎你！研究：女生撩交嘈是建立情侶之間重要溝通橋樑～同時維持大家關係的重要資源！

By Maggie on 20 Mar 2019

Digital Editor

love yourself and the rest will follow.

情侶喺相處過程少不免有爭執情況出現，但有啲情侶就話自己同另一半好少鬧交，甚至從來無發生過鬧交依個情況。但婚姻研究心理學家 John Gottman就話鬧交係維繫情侶感情嘅必需品，女生嘅撩交嘈甚至可以有效成為大家之間溝通橋樑。下次當被男朋友話唔好再撩交嘈時，大家不妨話佢知嘈交只係為大家好！希望你明白！

John Gottman研究所得女生喺一段關係裡面擔當情緒管理者角色，有著豐富情緒嘅同時又渴望另一半可以同自己一齊解決大家之間嘅衝突矛盾，所以不知不覺形成咗男朋友口中嘅撩交嘈。但John話女生依個時候就做咗維持大家關係嘅重要資源，可以考驗另一半處理大家關係技巧同EQ，從而建立重要嘅溝通橋樑俾大家，好過男生唔提唔講唔解決。

Photo from Pinterest

研究仲指出想知一段情侶關係可持續性有幾大，睇下鬧交頭3分鐘氣氛就知道答案。絕大部分離異收場嘅情侶爭執方式係以一面倒嘅責罵，例如：根本你就當我無到、你一定有嘢呃住我...最後只會換來被忽視或互相傷害；相反以正面態度具體指出問題起因嘅情侶係關卻越來越穩固，例如：頭先個幾鐘唔見咗你，你去咗邊呀～就有效達到溝通效果。