5對名人的浪漫愛情哲學～譜出最惹人羨慕姊弟戀，曉治積曼：站在奧斯卡台上，我的視線也只有老婆。

有說「愛一個、上一課」，愛情呢門必修課，有人年紀輕輕就修業有成，有人則不斷重讀都讀唔好。無論你呢一刻有無穩定伴侶，睇睇以下4對名人夫妻係點樣維繫宛如初戀般嘅感情，常說要得到真愛並無捷徑可走，但看看人哋嘅愛情哲學，或者會啟發到你心中真愛嘅模樣。

＃1 碧咸夫婦：「我哋無咩事情需要外證明！」

由拍拖、結婚、到生兒育女已經20個年頭，不時傳出佢哋有有第3者、離婚等傳聞，但佢哋仍然認為「我哋無咩事情需要外證明，我哋好愛對方、陪伴與照顧彼此。」有時候，摧毀彼此感情並唔係價值觀或者壞習慣，而係旁人冷言冷語甚至煽風點火。能夠一直信任，永遠都係成功愛情嘅重要元素。

Photo from from Pinterest

＃2 碧琪 （Blake Lively）：「老公令我人生變得更好。」

相信你都會聽過呢翻寄語—如果伴侶令你停止進步，生活相處好辛苦，請果斷離開。女生要記得，愛情並唔係一場互相拖欠嘅還債過程，真愛能夠令彼此活出自我，而且活出better me。搵一個如 Blake Lively所言，令你人生變得更豐富，美好嘅另一半吧～

Photo from from Pinterest

＃3 凱特王妃：「威廉王子非常有幽默感。」

成世人流流長，要搵一個能夠相處下半生嘅伴侶，其中一個條件係「講得笑」。如果對方事無大小都極度認真，作為另一半嘅你一定會吃不消～幽默感絕對係討論柴米油鹽日常生活上嘅潤滑劑！女生如果搵到一個願意逗你發笑嘅男生，真係要加分！

Photo from from Pinterest

＃4 曉治積曼（Hugh Jackman）：「我們會攜手度過人生中的各種坎坷。」

荷理活第一曖男非曉治積曼莫屬，雖然跟太太年紀相差足足13年，當外界批評太太走樣，佢絕對會一秒跳出嚟「講數」。喺佢心目中「老婆就係最完美！」二人經歷甜酸苦辣，從無放棄呢段感情。正如曉治積曼所言，能夠跟愛人走過千山萬水度過各種坎坷，真係一段好難得嘅愛情呢～

Photo from from Pinterest

＃5 修杰楷：「如果有一天我先走了，你一定要再找一個人來愛你。」

女生聽到呢句說話，一定會一秒熱淚盈眶吧～賈靜雯曾經有過一段失敗婚姻，除咗係一個失婚女人，仲係一個單親媽媽。但呢一切都無阻修杰楷對佢嘅愛，男方話：「這就是她人生的一部分嘛！」從來無介意過賈靜雯嘅過去，仲愛屋及烏愛埋賈靜雯跟前夫所生女兒。修杰楷更話：「如果有一天我先走了，你一定要再找一個人來愛你。」愛一個人，就係希望自己應夠畀到幸福佢，但假如自己無能力給予對方幸福，就會衷心希望佢搵到屬於佢嘅幸福吧～

Photo from lefthere036 ＠ ig

Text：TopBeauty Editorial

Photo Source：Pinterest