袁偉豪3個月內減走20磅！操肌多年為拍劇禁食、脫水變皮包骨。父親去世，極速收拾心情投入工作超專業～

By Michelle on 21 Mar 2019

Digital Editor

電視劇《鐵探》係「TVB 2019戲劇綜藝發布會」中10部皇牌重點劇之一，嚟緊4月1號正式首播，呢部警匪懸疑電視劇演員陣容強大，除咗有惠英紅、姜皓文兩個戲骨坐陣，另外一大睇頭就係袁偉豪（Ben）飾演嘅絕症病人。為咗達到最佳效果，袁偉豪更成功喺3個月內減走20磅，完美呈現了絕症病人真實狀態！本身有做開運動、體脂比較低嘅袁偉豪減走埋苦練多年嘅肌肉，認真敬業樂業～

Photo from benontheroad ＠ ig

喺《鐵探》中飾演絕症病人嘅Ben透露，佢喺劇中角色本身係警隊明日之星，但因為一次拯救同袍，被悍匪一槍打爆頭，重傷後雖然奇迹生還，但就有被創傷後遺症折磨，有失禁、鼻流腦漿等慘況，為咗令呢種重病狀態完美呈現，Ben更由160磅極速減至140磅，更要喺10日內進行脫水，達到一個極度消瘦嘅狀態。當時唔少人見到Ben，都以為佢得到重病～

Photo from benontheroad ＠ ig

Ben更透露，有運動底嘅佢今次唔單止要「消脂」，更係「消肌」，所以要以禁食去減磅：「本身我都有啲肌肉底，要靠食好少嘢去將啲肌肉消走，同平時做運動嗰啲好結實嘅firm嘅減磅係完全唔同。」相信對熱愛運動維持fit爆身型嘅Ben嚟講，睇住自己一日瘦過一日心入面真係不是味兒啊～

在 Instagram 查看這則貼文

Benjamin Yuen（@benontheroad）分享的貼文於 PST 2018 年 1月月 2 日下午 9:25 張貼

一向以大隻仔見稱嘅Ben都話咁嘅「減肥法」真係人生第一次！「我諗我人生入面都冇試過咁樣減磅法，嗰個磅數基本上係我18歲，又或者在細個啲讀緊書嘅磅數嚟。」要做到咁嘅效果，Ben話禁食過程中只可以食淡而無味嘅食物，食物唔再係「飽肚」，而係單單「維持生命」。佢透露自己早餐會食粟米片、烚雞蛋同飲一杯咖啡；到後期將隻烚蛋放喺午餐先至食；晚餐只會煎一個番茄食。」

Photo from benontheroad ＠ if

減磅最辛苦莫過於面對美食誘惑，有時劇組放飯期間，袁偉豪都只能「聞隔離飯香」，自己就要走埋一邊食淡味食物！但因為劇組經常收夜，所以避免唔到食宵夜嘅情形，就會忍唔著偷食蛋撻、菠蘿包等，令自己可以食啲甜嘢，心情都好啲！

Photo from benontheroad ＠ ig

各位女士睇到呢度千萬唔好有樣學樣，皆因一向健康強壯嘅Ben都因為咁做，逼自己身體「打回原型」，甚至變得更孱弱。一向熱衷跑步健身嘅Ben更有一段時間唔可以做運動「我有一日出咗去跑步跑跑下發現睇嘢有白影，隻腳開始停落嚟發現原來自己只係機械式地運作，已經冇乜血糖剩喇。」

Photo from benontheroad ＠ ig

而拍《鐵探》時正好係上年5月期間，當時袁偉豪正經歷人生最難捱嘅時候，皆因佢最親嘅爸爸因為鼻咽癌不幸離世。即使面對住傷痛，仍要兼顧《鐵探》嘅拍攝，令佢心力瘁。Ben 處理好爸爸嘅身後事，第三天就投入工作：「其實當時個情緒都一路抑壓得好緊要，而且仲要兼顧住呢套劇嘅角色，所以我放咗好多時間喺工作上面。可能喺面容上會睇到我有啲攰，幸好出到嚟個感覺都好配合到個角色。」