曾為照顧自閉兒子停工6年！陳錦鴻為囝囝升中四出奔波，廿四孝爸爸：照顧兒子比拍劇更滿足

陳錦鴻所參演嘅ViuTV劇《婚內情》預計會於4月播出，而佢患有自閉症嘅11歲囝囝即將要升中，以家庭為重嘅佢亦為呢件事非常奔波，不斷為個囝四處尋找面試機會，雖然未成功不過佢但完全無氣餒，更指出家長嘅正面人生方向係小朋友嘅成長基礎，真係名乎其實嘅好爸爸～

Photo from 杜雯惠ADA@Weibo

陳錦鴻係TVB出名嘅好好老公、廿四孝爸爸，同老婆結婚到誕下囝囝，一直盡心為家庭，非常顧家。可惜嘅係囝囝Edgar患有自閉症，2013年陳錦鴻同TVB約滿後就選擇暫時停工，專心喺屋企照顧Edgar，直到上年，佢先全面復工並接拍ViuTV劇集《婚內情》，預計會於4月播出～

Photo from 杜雯惠ADA@Weibo

不知不覺Edgar來到升中嘅年齡，陳錦鴻最近就忙於為囝囝進行模擬面試，同埋四出奔波搵學校，尋求面試嘅機會，不過事情並唔係咁順利，搵咗好多間都未能成功。

Photo from 杜雯惠ADA@Weibo

不過Edgar性格堅強並無輕易放棄，陳錦鴻亦指自己早於囝囝8歲嘅時候就想嘗試打擊佢，教佢如何面對逆境，同時亦教導佢學習調適負面情緒。雖然最近面試唔成功，屢次被拒，不過陳錦鴻話囝囝喺呢3個月間都成熟唔少。

Photo from 杜雯惠ADA@Weibo

陳錦鴻亦表示，照顧囝囝比起拍劇所帶來嘅滿足感更加多，可見佢好享受照顧家庭嘅過程！廿四孝爸爸陳錦鴻平時都好肯每日陪囝囝散步、行山、打波，去幫兒個囝克服唔敢接波嘅恐懼～

Photo from 杜雯惠ADA@Weibo

而佢思想亦非常正面，有好多事情都睇得好開，就好似佢話如果囝囝唔鐘意讀書都唔會逼佢：「家長正面的人生方向是孩子成長的基礎，家長的快樂，也就是孩子快樂的源頭！」其實行行出狀元，社會上有好多出路，只要抱有希望就會有成功嘅機會，可以有好似陳錦鴻咁貼心同無私嘅爸爸，Edgar真係好幸福！

Text：TopBeauty Editorial

Photo Source：Weibo