【MIRROR演唱會】Frankie陳瑞輝哽咽隱形人辛酸 自爆曾窮到借錢生活 靠《IT狗》重拾希望
MIRROR首次紅館演唱會《MIRROR.WE.ARE LIVE CONCERT 2022》昨晚（25日）開騷，12子從天而降以團隊歌曲掀開序幕，又唱又跳「焫」起全場氣氛，令粉絲們嗨爆。除了合唱之外，他們亦有SOLO演出，當中Frankie陳瑞輝獲安排有演講環節，他自嘲如何由「隱形人」到有劇拍，更自爆因工作量少而要向朋友借錢過生活，其間一度哽咽。
Photo from fb@陳瑞輝Frankie Chan
Photo from fb@陳瑞輝Frankie Chan
自嘲是MIRROR「隱形人」
Frankie坦承自己是MIRROR的「隱形人」，形容「隱形人」就好像黑洞一樣會不斷吸你入去：「好似訪問同綜藝節目，你只要講慢一秒，你句說話就會畀隊友搶咗嚟講，跟住又會被人話冇嘢講。」Frankie自嘲曾見過一些好的評論，讚Frankie好專業，整個訪問都在笑。雖然自嘲，但全場粉絲報以熱烈掌聲為他打氣。
Photo from fb@陳瑞輝Frankie Chan
MIRROR越紅 自己則窮到要問人借錢
Frankie坦言剛加入MIRROR時滿有抱負，很想去影響全部人，但慢慢就愈走愈遠，MIRROR的目標變成自己的目標，逐漸迷失自己：「當MIRROR越來越紅，越來越多job，我就留喺屋企對住四幅牆『等運到』。」又自爆試過窮到要問朋友借錢過生活，然後開始變得無自信，更質問自己為何要浪費時間去擔心生活，而不是去想該怎麼做好自己？
Photo from fb@陳瑞輝Frankie Chan
Photo from fb@陳瑞輝Frankie Chan
透過Never角色學懂苦中作樂
疫情放綬後，Frankie終於有少量工作，開始接到綜藝節目和劇集，他坦言《IT狗》中的「Never」陪他度過低谷，學懂苦中作樂，更因為拍劇而重拾希望，希望以自己的經歷勉勵大家不要放棄：「我30歲先由Dancer轉做MIRROR，其實咩都有可能，點會影響唔到人？」更說：「唔好信自己做唔到！要先相信自己，就咩都有可能，NEVER SAY NEVER！」
Photo from fb@陳瑞輝Frankie Chan
Photo from fb@陳瑞輝Frankie Chan
舞蹈出身的Frankie在參加《全民造星》初賽時利用最擅長的舞蹈過關，而唱歌方面則未算突出，被評判們批評見到Frankie只是見到一個很出色的舞蹈員，而不是見到一粒星。後來止步於30強，卻被花姐賞識加入MIRROR。
Photo from fb@陳瑞輝Frankie Chan
自知不是MIRROR焦點
雖然Frankie成功出道，但人氣不及姜濤、Ian、Jer、Anson Lo等，除了未有Solo的機會之外，就連MV的鏡頭也不多，更被批評為MIRROR下弦。經理人花姐曾經在《調教你MIRROR》中直言Frankie個性「隱形」、「完全看不到這個人」，而Frankie亦表示知道自己不是焦點，更坦言「不看好自己在團中的定位」，但聽完嘉賓麥子樂分享後就改變想法，認為應感恩現在有的事，並承諾日後不要再做被動角色，會學習主動。
Photo from fb@陳瑞輝Frankie Chan
雖然現在的Frankie未能像姜濤、Ian、Anson Lo等有人氣、工作量並不多，但自ViuTV劇集《IT狗》後，不少觀眾大讚他的演出很有驚喜，絕對開拓了他演戲的小宇宙，加上今次演唱會又獲得solo演出，相信他會一步步獲得更多機會。
Text: TopBeauty Editorial
更多相關文章
【IT狗】MIRROR Frankie陳瑞輝演「Never」獲花姐讚：你做得幾好㗎！
24 Jan 2022
ViuTV《IT狗》近期成為話題之作，當中MIRROR成員「皮皮」Frankie陳瑞輝演的放負「Never」常常爆出金句，角色掀起關注！日前Frankie接受美國華語電視節目《偶像名人堂》訪問，剖白了很多內心看法。
Photo from IG:frankie729
Photo from ViuTV
Photo from IG:ViuTV
Photo from IG:ahfa0908
花姐讚「Never」角色做得好
「皮皮」Frankie陳瑞輝接受《偶像名人堂》訪問，被問到現時是否找到自己定位時，表示拍完《IT狗》後有問花姐意見「花姐覺得『你做得幾好㗎！』好彩啫！我覺得做戲係繼跳舞後擺自己多啲唔同嘅嘢，做戲都舒服，同埋可以發展落去。《IT狗》我戲份唔多，但有個好強功能性，個名叫『Never』，不停放負嘅角色，但個角色明白晒所有嘅嘢，明白但放負，係講出真相，唔想你哋傷心。」
Photo from IG:frankie729
Photo from IG:frankie729
跳舞是表達自己方式
「皮皮」Frankie陳瑞輝因《造星》而成為MIRROR一分子，他表示自己從小到大都喜歡跳舞，從沒想過自己會做辦公室，而一出來做的職業已經是舞蹈員「以前我個性比較怕醜，唔係好用語言、大庭廣眾去表現自己，除咗跳舞之外。跳舞畀我嘅感覺同所有人接觸，好完整抒發我嘅所有情緒同感覺，變成我身體嘅language。」
Photo from IG:frankie729
Photo from IG:frankie729
入行後知道自己需要改變
「皮皮」Frankie陳瑞輝表示「我對cam嘅怕醜係我以前做開Backup dancer，做開Backup dancer就唔會期望有cam影到我哋㗎嘛，最好有咩錯唔好畀排舞師見到?！久而久之就變咗個氣場係，唔好望我唔好望我，但係我知道係需要改變，作為一個幕前應該係鍾意畀人見到，咁我都好鍾意畀人見到嘅，但係就要將我以前有嘅感覺戒甩先，咁就可以做番自己。」
Photo from IG:frankie729
反思自己目標
「皮皮」Frankie陳瑞輝深明自己在其他MIRROR成員中的發展是較為慢少少，他坦言「因為我嘅性格問題，我都要去爭取多啲嘢嘅時候，我又可能個力度又唔夠大，久而久之會有少少唔開心，就係我努力咗可能公司未睇到，其實嗰下都出道咗年幾兩年，自己嘅步伐比其他MIRROR成員慢少少，自己都有反思。」但同時自己都明白這一行裡有更多人比自己付出或努力更多，同時亦知道自己要更努力及進步「因為對自己嘅standard好高，所以冇乜信心，仲克服緊。」所以唱歌依然是他的目標，但就要更多時間讓自己進步！
Text：TopBeauty Editorial
