5大日本著名神社求姻緣！趁櫻花季順路拜拜神，祈求真命天子降臨～

又到櫻花季，好多香港人都會選擇到日本旅遊，而日本嘅必訪景點入面當然有神社同寺院啦！當中原來有唔少出名求姻緣靈嘅神社，如果想覓得好姻緣嘅女生，旅遊時不妨喺行程中加插以下幾間著名嘅神社啦～

# 京都貴船神社 -  參拜姻緣之神明

貴船神社入面供奉有「姻緣之神明」之稱嘅磐長姬命，喺全日本總共有大約450間。京都貴船神社嘅特別之處，係佢係貴船神社嘅總神社，唔少信眾指佢對於求桃花好靈。

Photo from Pinterest

信眾可以將自己嘅心願，唔一定有關姻緣，就算係其他心願都可以，寫好之後綁喺神社，相傳心願就會好快實現！

地址：京都市左京区鞍馬貴船町180

Photo from Pinterest

# 東京大神宮 - 購買鈴蘭御守，戀愛運大增！

從前，東京大神宮嘅遙拜殿，主祭神係「天照皇大神」，係喺日本最受尊重嘅神明。唔知大家知唔知，日本人流行喺神社同埋寺院搞婚禮嘅習俗，就係源於東京大神宮，所以對於想求好姻緣嘅信眾，呢個神宮可說係必到之地～

Photo from Pinterest

有興趣嘅朋友參拜完之後，可以求一個「鈴蘭御守」(縁結び鈴蘭守り)，可以令戀愛運大增～

地址：東京都千代田區富士見二丁目4番1号

Photo from Pinterest

# 涉谷氷川神社 - 每月15日的結緣祈願祭

去東京旅行嘅朋友去涉谷氷川神社非常方便，只係需要由涉谷車站步行15分鐘左右，就可以到達～

Photo from Pinterest

而涉谷氷川神社嘅特別之處就係，每個月15號都會舉辦一個「結緣祈願祭」，由當日下就3點前十分鐘開始，就會開始派發姻緣祈願書，收集信眾們嘅願望，大家一定唔好錯過呀！

地址：東京涉谷區東2-5-6

Photo from Pinterest

# 淺草寺久米平內堂 - 求姻緣勝地

淺草寺嘅人氣相信大家都知，每年有三千萬人次前來參拜，祈求催旺桃花運，而寺內嘅重點就係寶藏門旁邊嘅「久米平內堂」。

Photo from Pinterest

久米平內係江戶時代嘅武士，殺人無數，晚年嘅時候就係喺寺院內居住，過住平淡嘅生活。佢死前按照自己個樣雕造咗一尊石像，比前來參訪寺院嘅人踐踏，希望可以減輕自己嘅罪孽，而日語中「踐踏」(踏み付け)，同含有情書意思嘅「文付け」讀音相同，所以就意外成為咗江戶平民祈求姻緣嘅勝地啦～

地址：東京都台東區淺草2-3-1

Photo from Pinterest

# 尾道千光寺 - 御守催桃花

而尾道市出名嘅景點除咗有「貓之細道」之外，仲有位於半山嘅千光寺，千光寺附有紅色繩結嘅御守係比女生，而男生嘅就係附有白色繩結，將御守隨身帶住就會有利覓到好姻緣！

地址：廣島縣尾道市東土堂町15-1

Photo from Pinterest

Text：TopBeauty Editorial

Photo Source：