拍拖14年、結婚14年～黃智賢與老婆甜足28年「只有另一半可陪你走過生老病死，我哋係相依為命！」

愛情難敵「7年之癢」嘅故事聽得太多？其實世上仍有好多經歷愛情長跑仍然甜蜜如初嘅愛侶～唔單止跑足7年，仲係4個7年！拍拖14年、結婚14年，51歲嘅黃智賢唔怕尷尬同大家講：「最鍾意每天朝早送太太返工！」唔係單純賣口乖，而係作為藝人，工作時間日夜顛倒，黃智賢好珍惜同太太相處時間～最近只為新劇宣傳，時間比起趕拍劇自由，所以被傳媒影到一收工就去買餸，仲做「柴可夫司機」接老婆收工！

Photo from benwong1020 @ ig

「太太只係想我快啲返工，快啲放工，返黎同佢食飯，生活就係咁。」黃智賢與又話，自己最鍾意就送太太番工，因為佢好享受朝早可以同老婆傾計嘅時光。簡單兩句，已經令人幻想到呢對夫婦係一對需要對方、重視對方—即使雙方係由20歲出頭嘅青春少艾，一直愛到50歲有多，28年過去，白頭髮、皺紋都出現了，依然係一對會互相依賴，互相照顧嘅愛侶。二人對待感情嘅專一，譜出一段細水長流嘅愛情。

Photo from benwong1020 @ ig

51歲嘅黃智賢同好多藝人一樣，打併多年，一切由低做起。由《閃電傳真機》年代，一直捱足30年，近年先叫苦盡甘來，開始擔任電視劇嘅一線男角。

Photo from benwong1020 @ ig

Photo from benwong1020 @ ig

唔講或者你未必會知，黃智賢後生仔時曾投考過警察少年訓練學校，由「藍帽子」機動部隊做起，但佢嘅夢想係做表演行業。於是就入行做青少年節目，加入《閃電傳真機》。當佢喺TVB仍係新人時，收入唔高，曾經喺餐廳做兼職廚房，太太當時就係侍應。兩個後生仔互生情愫～「當時我喺餐廳做partime，咁我就返早，我就係餐廳廚房負責送菜出窗口，佢就係waitress，日日隔住嘅窗口望到佢，佢又望到我，咁就係耐唔中望下望下。放飯時見到佢食又走去食，就咁開始。」或者情節同好多情侶都一樣，黃智賢就講到「津津有味」，好似昨日發生嘅初戀一樣。

Photo from benwong1020 @ ig

拍拖14個年頭，最後喺2004年喺紐西蘭旅行並註冊結婚。到今日已經相處28年，仍然可以恩愛如惜，處處為太太著想。唔單止一有機會就送番工，接放工，試過被傳媒追訪，黃智賢表示：「我作為老公要保護老婆，佢係OL唔想引起太多話題，要搞就搞我！」

Photo from benwong1020 @ ig

平淡背後，佢哋都經歷過「愛一個上一課」嘅階段，「大家由青春期到成熟期一齊20幾年，都經歷大家嘅轉變，人都有反叛期、又嗌交又話要分手都試過，但最後都係我氹佢多。」

Photo from benwong1020 @ ig

決定唔生小朋友嘅佢哋，笑言大家係「相依為命」嘅一對。事實上，生命入面最好嘅朋友都唔能夠同你走到最後一刻，唯獨係心靈相通嘅伴侶願意一步一步陪伴對方走到最後。聽著黃智賢跟太太嘅故事，沒有驚心動魄，亦唔係愛到海枯石爛，日子平淡如你我，卻流露住一絲絲甜蜜。黃智賢提醒住「不忘初心」嘅人，最後會擁有最難能可貴嘅感情～「珍惜」一詞永遠知易難行，但願天下有情人都會有這個能忍。

Text：TopBeauty Editorial

Photo Source：instagram，facebook