不要再說叫你BB太肉麻～！專家：用疊字稱呼另一半、用詞越蠢、越幼稚，感情會更穩定～

有時係街上聽到有情侶用「BB～」「豬豬～」等字眼稱呼另一半都會覺得勁肉麻、勁骨痺，仲好想即刻彈開十尺遠～！但係自己另一半面前又會不自覺地用左呢啲字眼（害羞）～原來有研究指出，情侶間用呢啲咁肉麻、幼稚嘅溝通方法，可以令兩人感情越穩定！終於可以瘋狂叫BB了～！

Photo from Pinterest

Photo from Pinterest

其實情侶間用疊字、撒嬌嘅溝通方式稱之為「baby talk」（兒語），美國神經人類學教授Dean Folk指出，情侶之間會使用兒語交談，就是源自於人類最早接觸「愛」嘅經驗，亦即係嬰兒時期與母親之間嘅互動，當我們和另一半交往時，會不自覺地複製呢種互動模式。雖然呢種方式係旁人眼中看似噁心，但有研究指出呢種溝通方式係感情嘅基礎！更有專家指出，用詞越蠢、越幼稚，情侶間感情會更穩定～！

Photo from Pinterest

Photo from Pinterest

有美國心理學家指出，情侶間用的疊字或親密稱呼唔單止可以喚醒我地童年時期對母愛嘅情感記憶，更可以刺激腦部分泌與「愛」相關嘅神經傳導物質：

多巴胺（Dopamine）：可以傳遞愉快、興奮等正面情緒，令人感到快樂、有活力，並且增加大腦專注力。

苯乙胺（Phenylethyamine）：又被稱為「愛情化學劑」（love chemical），能製造愉快、歡欣嘅情緒，並使人呼吸及心跳加速、瞳孔放大等。

催產素（Oxytocin）：有時也被稱為「愛情激素」，童年時期會經由父母與孩童嘅親密互動，如擁抱或親吻時產生，因此又被稱作「擁抱荷爾蒙」，能緩解壓力、焦慮及疼痛，而與愛侶之間的親密接觸也能使大腦釋放相同的激素，甚至能促使性高潮產生。

Photo from Pinterest

雖然有時用肉麻字眼稱呼另一半會覺得尷尬，怕比陌生人聽到會反你一個白眼，但其實呢個係人類表達愛嘅本能嚟～又可以增進雙方感情，大家唔使咁介懷嘅～盡情地甜蜜的稱呼對方吧～！

Photo from Pinterest

Text：TopBeauty Editorial

Source：Psychologytoday

Photo source：Pinterest