黃翠如下廚煮早餐賀老公生日，蕭正楠「加重甜」回應太太：只要是你煮，餐餐食早餐都幸福。

By Michelle on 25 Mar 2019

Digital Editor

Life is short, don't be lazy . Be your own idol to enjoy every moment !

前日係蕭正楠42歲生日～出名圈中恩愛夫妻嘅翠如同蕭正楠就公開放閃，二人互稱對方為「大爺」不特止，翠如又感謝老公平日對佢照顧有加，而自己對壽星仔嘅特別優待只係「停留在煮早餐的程度」，但愛妻號蕭正楠就甜爆回應：「只要是你煮..餐餐食早餐也是幸福...我生日你快樂。」

Photo from edwinsiu ＠ ig

翠如上載生活照，分享「自慚感言」，皆因自己嘅廚藝只停留為對方煮早餐嘅程度，又謂「在你生日的前一日，我仍然要你排隊幫我買珍珠奶茶。在你生日的後一日，我還需要你早上五點車我返工。」但隨即嚟一個「大反擊」，翠如笑指為老公感到幸福，因為默默付出嘅蕭正楠係「施比受更為有福。」翠如更話：「我還聽說，以後你的生日，也變成你太太的生日。所以每年3月23日，請好好為我慶祝。」

Photo from wongtsuiyu ＠ ig

當中最甜蜜莫過於蕭正楠加甜重量級留言—「只要是你煮..餐餐食早餐也是幸福，和一班中小學同學仔一齊排隊買珍珠奶茶可以讓我變年輕，早上五時的空氣最好..遊車河一流！」短短兩日已有近15萬網民大讚佢哋互動超甜蜜。

Photo from edwinsiu @ it

果然係「家有愛妻／愛夫萬事足」，舊年翠如生日，蕭正楠為翠如準備咗一個巨型蘋果樹蛋糕，寓意「羅大樹愛花蘋」定情一刻，真係sweet到爆～

Photo from edwinsiu @ ig

讓你融入自己嘅生活圈子

有人會強調自己需要有私人空間，但翠如bb同蕭正楠呢對就唔係咁諗喇。翠如bb同蕭正楠一班老友勁friend，個個都變哂做自己朋友。其實男方願意畀女方融入自己嘅生活圈子，無疑都係一枝強心針～正如翠如多謝男朋友：「謝謝蕭一，為我準備了一個全男班的生日飯，一班男人的約會，總覺得我也是男人的一分子。」當女方清楚自己交往中嘅人會同咩人有來往，自己就可以更放心向男方投信任票，而且一個圈子自然會有更多嘅共同話題，感情自然穩固。