無懼歲月木村拓哉寵妻19年!工藤靜香被批配不起男神,曾收恐嚇信、血公仔,為愛撐下去~

無懼歲月木村拓哉寵妻19年!工藤靜香被批配不起男神,曾收恐嚇信、血公仔,為愛撐下去~

Hot Topics
By Aisa on 25 Mar 2019

最近有新片《假面酒店》上映嘅木村拓哉,出道28年一直人氣高企,事業上雖然成功,但愛情上原來佢曾經經歷多翻考驗~佢同工藤靜香結婚後,育有兩個女兒,木村心美同埋好多人都認識嘅木村光希。但身為超級偶像並唔完全係一件好事,木村拓哉當年談戀愛到成家立室可說係歷盡重重難關~

Photo from Pinterest

 

唔好以為靚仔就一定好多情史,木村拓哉一生人就只係談過兩次戀愛,18歲嘅時候佢因為工作遇上模特兒伊藤香里,當時木村對佢一見鍾情並立即展開追求,第一約會佢地就開始拍拖~

Photo from Pinterest

 

當時木村剛剛入行,未成名,所以可以毫無顧忌咁同女朋友拍拖,但後來因為演出《愛情白皮書》開始走紅,成為超受歡迎嘅偶像,隨即為兩人嘅戀情帶來無盡壓力,9年嘅感情最後只好告吹。

Photo from Pinterest

 

後來木村認識咗比佢大兩年嘅歌手工藤靜香,兩人拍拖到宜家擁有一個幸福家庭,但原來中間經歷過種種難關,做超級偶像背後嘅女人一啲都唔易,工藤靜香為木村犧牲原本嘅演藝事業,仲曾經收到過瘋狂Fans嘅各種恐嚇,絕對唔係一般人可以承受得到。

Photo from Sina

 

兩人交往翌年,木村喺演唱會上宣佈同已經懷孕嘅工藤靜香結婚,消息當時震驚全日本,甚至香港同台灣,被問到結婚對象係唔係工藤靜香嘅時候,木村回應:「除了她,還有誰?」

Photo from kudo_shizuka @Instagram

廣告
廣告

 

呢則聽落好甜蜜嘅言論,卻令工藤靜香瞬間成為全國女人嘅公敵,而木村自己亦有傳因此被事務所雪藏。因為同萬人迷相愛,工藤靜香承受非一般嘅壓力,外貌慘被攻擊,咁多年來佢多次被選為「最討厭女星」,又曾經收過數以萬計嘅恐嚇信,最可怕一次試過收到「血公仔」。

Photo from kudo_shizuka @Instagram

 

但呢種種難關並無擊退工藤靜香,為咗同愛人一齊佢甘願放棄事業,喺屋企相夫教女,由結婚到宜家對佢嘅攻擊同謠言都依然存在~

Photo from Sina

 

不過,今時今日工藤靜香嘅美貌已不如從前,但木村依然咁愛佢,佢地同埋兩個女兒,生活非常幸福美滿~木村光希更遺傳到父母嘅優良傳統,出道成為模特兒。而工藤靜香婚後除咗照顧家庭外,鐘意畫畫又識得珠寶設計嘅佢亦曾經推出過珠寶系列,又試過開設過畫展展出畫作。

Photo from kudo_shizuka @Instagram

 

經歷一切難關後,兩人宜家依然非常甜蜜,呢一段愛情一路走來確實不易,希望以後會一直幸福下去~

 

Text:TopBeauty Editorial

Photo Source:Instagram

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK