袁偉豪坦言娶張寶兒後變得越來越灰負面新聞影響工作曾反思自己是否適合做藝人

By Fennie on 12 Oct 2022

Digital Editor

袁偉豪近日接受港台節目《安哥同學會》訪問，除了提到自己言行率直全因長期唔夠瞓而導致EQ低之外，又提到自從與張寶兒結婚之後，多了很多閒言閒語，令到他覺得有點灰心，這些負面新聞更間接影響到他接job，甚至覺得自己不適合在娛樂圈發展。

Photo from fb@袁偉豪 Benjamin Yuen

言行率直全因長期唔夠瞓

現年41歲的袁偉豪，從17歲開始工作，不知不覺入行已經25年，這些年來經歷過大起大跌，他直言知道所有機會都得來不易，所以當機會來到的時候，難免會比較認真，希望在幕前演出、幕後製作，甚至是人際關係都想做到最好，但卻因為一個原因而出了問題：「有時可能唔夠瞓，啲EQ就會低啲，導致言行上就會比較率直，加上自己本身唔係太識用花言巧語去表達自己，可能咁導致近年人哋對我印象唔係太好。」甚至表示這種態度不適合在娛樂圈發展。

Photo from fb@袁偉豪 Benjamin Yuen

直言婚後更多閒言閒語覺得灰心

至於閒言閒言，袁偉豪表示作為藝人，好多事都身不由己：「事實嘅真與假都唔知係咪嗰回事，再加上要同好多單位合作，先可以成就到大家睇到的娛樂新聞。我唔係話好刻意去製造新聞，只係有時大家喺工作上各有所需，佢有佢寫、我有我自己，但偶爾都會好氣餒，我辛辛苦工作，亦都喺自己人生上有咗個選擇、搵到個我適合嘅人建立家庭，但近兩年，自從我結婚之後，多咗好多閒言閒語，或者啲是非黑白，我都覺得有啲灰心。」

Photo from ig@_bowiecheung

擔心互聯網存檔影響接Job

主持人安慰袁偉豪只要問心無愧就可以，但袁偉豪則表示現在互聯網發展好快，工作客戶想了解他就會先搜索他的資料，有些不是事實的資料已經存檔，而自己又好難去澄清所有，間接影響到接job。

Photo from fb@袁偉豪 Benjamin Yuen

感激老婆在低潮時支持

雖然近年經常被網絡上的閒言閒語攻擊，但袁偉豪背後有個支持他的老婆張寶兒。雖然與張寶兒結婚後一直被外界封為「億萬駙馬」，更被指食軟飯、嫁給張寶兒等等，但袁偉豪與張寶兒並無因此影響到感情。袁偉豪透露，他在家中會主動做家務，包括打掃、吸塵、下廚和洗碗等，講到兩夫妻的相處之道，他表示近年在感情上有很大轉變，比起以前，他變得Sweet了很多，會不時對老婆張寶兒說「I Love You」這三個字：「我會多謝佢喺低潮時support我，同佢講佢係我一個真真正正好好嘅朋友、好好嘅靈魂伴侶、好好嘅太太，希望我下半世都係拖住佢一齊行。」

Photo from ig@_bowiecheung

袁偉豪曾經表示娶了張寶兒是賺到人生第一桶金，他事後解釋娶張寶兒的時候花光了自己的積蓄，他認為錢可以再賺回來，但結婚只有一次，只要讓太太有個美好的婚禮，一切都是值得。可見，袁偉豪真的好愛錫張寶兒。

Photo from ig@_bowiecheung

Text: TopBeauty Editorial

【人夫放假約出去滾】袁偉豪被指嫁張寶兒唔憂做直言有好多鬱結不介意在愛妻面前做弱者

袁偉豪、張寶兒結婚一周年拍片慶祝：娶你係賺到人生第一桶金！

袁偉豪坦承曾對「入贅論」耿耿於懷張寶兒力撐是老公養活自己！

05 Sept 2022

袁偉豪與張寶兒結婚後一直被外界封為「億萬駙馬」，早前袁偉豪與太太張寶兒共同直播放閃，後來袁偉豪更在直播中回應外界指他「食軟飯」等嘲諷，同時坦言老婆比錢更重要！

Photo from IG：_bowiecheung

回應「軟飯男」指控

袁偉豪與張寶兒由宣布結婚開始後，由於家境差距而一直被笑「入贅」女家，他早前就趁直播深夜放負回應，坦言面對這些自己一直都耿耿於懷「講我點樣置業、點樣嫁咗俾你、話我點樣食軟飯，呢啲每句好小好小嘅說話，好似好簡單報導，其實逐漸入咗我心，我當然唔開心。」而自己亦用了多年時間努力才做出點成績、與自己喜歡的人結婚，同時大爆近年自己都是「食老本」，但他亦無懼「無錢」的情況，大不了就重新來過！

Photo from IG：_bowiecheung

花盡積蓄娶老婆是值得

袁偉豪曾坦言1997年入行，2007年參選《香港先生選舉》勇奪冠軍，一直由閒角或配角一步一步做起，2016年事業才漸有起色，2018年後有一年半時間就選擇停止拍劇，與張寶兒周圍旅遊、好好休息，他亦直言「後來結婚……坦白講結婚已用晒我所有嘅錢，所以我話第一桶金就係娶咗老婆，呢個真係一個好大嘅滿足感。娶你番嚟的確花咗好多錢，不過我仲有賺錢能力，用晒咪再賺過。」這一句話真的很甜蜜！不少網民都大讚二人相處方式很好，這些才是真正的夫妻相處之道！

Photo from IG：_bowiecheung

太太是心靈上的依靠

袁偉豪不時都會公開大讚太太張寶兒，坦言老婆是自己心靈上的依靠！在真正愛的人面前，你不需要再穿上一個假面具，裝作自己是一個強者，袁偉豪提過在太太面前不需要面子及任何枷鎖：「我可以喺佢面前做弱者，其實做弱者聽老婆話，有乜咁難啫？」而張寶兒亦坦言理解老公的苦況，她更回應家中的財務，雖然都是與老公分工合作，但往往都是由老公負責大部分支出，笑言其實是老公一直在養她！其實在直播中張寶兒的成熟想法亦令人更體會到為何袁偉豪表示她是自己的心靈依靠！