為男友還債後被提出分手！小龍女李若彤曾為愛情而活，現成最幸福美魔女～

提起李若彤，好多人都會諗起「小龍女」，佢曾經喺《神雕俠侶》入面飾演嘅姑姑一角深入民心，咁多年依然有人話佢係最美小龍女。好少會喺幕前露面嘅佢，最近就宣佈會參與拍攝新電影，更喺Ig上分享自己嘅工作照片，網民們都大讚宜家45歲嘅佢美貌十年如一日～

Photo from 李若彤@Weibo

雖然李若彤報稱自己1973年出世，但有記錄指佢1986年以19歲之齡加入國泰做空姐，如果資料屬實，佢今年應該係51歲，50歲嘅女人可以保養得咁好，實在令人驚嘆！早前佢喺Weibo分享工作時嘅照片，身穿Deep V紅色長裙，配以性感紅唇嘅佢，充滿女人味，令網民們都紛紛大讚～

Photo from 李若彤@Weibo

李若彤周不時都會貼出自己嘅素顏照同大家分享，即使無化妝佢都依然明艷照人，係名符其實嘅凍齡美女～！

Photo from 李若彤@Weibo

雖然擁有美貌，但李若彤嘅感情，並無因此而順利～佢曾經同圈外商人相戀，後來男友因為生意失敗而要錢應急，李若彤因此而轉為到內地拍攝賺錢，為男友還債。

Photo from 李若彤@Weibo

後來終於成功為男友還清負債，當時喺內地嘅事業如日中天，但卻因為男友唔鐘意佢做演員而突然宣佈退出演藝界。李若彤因為愛情而放棄工作，最後換來卻是男友提出分手，再加上父親嘅離世，令佢一度患上抑鬱症。

Photo from 李若彤@Weibo

宜家嘅佢復出幕前，做自己鐘意做嘅野，偶然去去旅行、學理料、同朋友聚聚，多愛惜自己，為自己而活，做一個幸福嘅美魔女～

Photo from 李若彤@Weibo

Text：TopBeauty Editorial

Photo Source：Weibo