蔡少芬乖女6歲生日!張晉:捨不得囡囡長大,蔡少芬感恩「小麻煩」為家庭帶來歡樂~

蔡少芬乖女6歲生日!張晉:捨不得囡囡長大,蔡少芬感恩「小麻煩」為家庭帶來歡樂~

Hot Topics
By Aisa on 26 Mar 2019

蔡少芬同張晉呢一對由以前不被看好,到宜家有一個幸福家庭,仲有兩個乖女~琴日就係細女張信兒嘅6歲生日,一家為佢舉行生日會慶祝!而媽媽蔡少芬仲喺社交平台貼出囡囡生日會嘅相,指屋企有咗呢個「小麻煩」之後,有更多嘅歡樂,不過爸爸張晉對於女女長大就似乎有啲「接受唔到」~

Photo from Weibo

 

細女生日會現場佈置同埋生日蛋糕都係以藍色為主,就連囡囡同蔡少芬都身穿藍色打扮,睇嚟藍色就係包子最愛嘅顏色~加上唔少氣球裝飾,令整個現場氣氛都好歡樂!

Photo from Weibo

 

蔡少芬亦有喺社交平台上分享當日嘅照片,相入面見到壽星女獲得爸爸媽媽同家姐嘅親吻祝賀,畫面超有愛,一家非常溫馨~

Photo from Weibo

 

蔡少芬更寫到:「6年前的今天,我們這個家出現了你,一個可愛活潑開朗聰明的小麻煩,讓我們有加加加倍的笑聲!感恩有你!我們的小包子生日快樂!」好多人都話有咗小朋友之後,夫妻反而無咁開心,但睇嚟蔡少芬一家並無呢個問題,有咗兩個囡囡後仲比以前更幸福!

Photo from Weibo

 

而身為爸爸嘅張晉亦有留言:「這就6歲了?信兒你長慢點兒,爸爸捨不得。」睇嚟無論幾Man嘅男人,只要有咗兒女都會瞬間化為暖男~

Photo from Weibo

 

Text:TopBeauty Editorial

Photo Source:Weibo

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK

Hot Topics