被分手心痛真有其事～醫學角度解釋：有多愛就有多心痛！

情傷大家總會試過吧～同另一半鬧交鬧到面紅耳赤又或者快到分手邊緣時，有無試過有種心痛嘅感覺呢？成日話有幾愛就有幾痛，喺醫學角度睇係真有其事～所以下次失戀唔好太傷心啦，真係會傷身又傷心嫁！

美國科學期刊PNAS曾經發怖過一項神經科學研究，喺戀愛時如果被分手或表白被拒絕，大腦控制肢體疼痛感覺區域部分都會變得十分活躍。換句話說，即心痛感覺就會出現。

Photo from 《 失戀日》劇照

Photo from 《 失戀日》劇照

另外生物學家福岡伸喺日本NHK節目《被小智子批評！》講到失戀會心痛全因爲人一出世就有「談戀愛的本能」，只要一搵到喜歡對象時，體內就會產出大量類固醇，令身體處於興奮嘅狀態，因此會有血壓和心跳上升效果。不過當類固醇持續分泌太耐，心臟就會產生負擔，因此有「疼痛」嘅感覺。

Photo from 《 獨家試愛》劇照

Photo from 《 獨家試愛》劇照

唔同嘅戀愛關係又會有不同程度嘅「疼痛」感，單戀嘅人，情感會過於亢奮而無視身體輕微嘅疼痛；當雙方兩情相悅時，身體自然會減少分泌類固醇，身體機能都會同時趨於穩定。但只要一失戀，心情就會變得難過，甚至過於低落，身體就會忽略唔到類固醇對身體嘅影響，心臟就會有種痛痛嘅感覺。

Photo from 《 十分愛》劇照

Photo from 《 十分愛》劇照

川田志明醫生亦分享到失戀會有心痛感覺，係因為精神上嘅壓力大因此大量分泌兒茶酚胺。依種激素來自腎上腺，只要人一遇到危機，分泌物就會引起想逃避嘅本能反應。

Photo from 《 我的最愛》劇照

Photo from 《 我的最愛》劇照

聽落失戀嘅痛的確好傷身，醫生話泌兒茶酚胺形成嘅心臟病只屬輕微，而且心痛嘅感覺一般只會有兩星期時間，如果兩星期都仲痛，咁妳一定真係好傷心啦！

Photo from 《 紀念日》劇照

Photo from 《 紀念日》劇照

Text：TopBeauty Editorial

Photo Source：youtube