復合的節奏！羅天宇、湯洛雯赴挪威拍《3日2夜》，不怕尷尬互影男友、女友視覺呃like相～

羅天宇同湯洛雯分開接近一年半，靚湯用咗足足一年時間放低感情，直至上年年底ig上交待一句「無論是來故事怎麽，也要讓後來人生精彩著。」再加上今年「國際中華小姐競選」首度跟前度羅天宇同場並大方合照，被好友朱千雪講到跟前度好襯時，佢又落落大方笑住咁講話：「唔襯就唔會一齊到四年啦！」正當大家都以為感情正式劃上句號時，話咁快TVB就安排咗呢對情已逝舊情人遠赴挪威拍攝《三日兩夜》，令唔少人覺得復合有機！

Photo from from TVB

喺機場接受傳媒訪問時，靚湯表現雀躍又大方，被問到舊情侶組合拍節目會唔會惹來聯想，佢就話：「就係咁先唔會有任何聯想！因為已經過晒啲聯想位！」

Photo from roxannetong @ ig

不過佢都有補充，自己跟羅天宇現時係好朋友關係，直言：「如果仲有啲咩關係就唔會去呢個Trip啦。」但望望羅天宇表情，就一臉尷尬咁話：「係架咩？！或者要收收埋埋。」就咁聽落去，小編就覺得事情發展唔係咁簡單了～（笑）

Photo from from Tvb

有「情」滋潤真係唔同啲啊，友情又好、愛情又好、閨蜜情又好啦～零下幾度都仲可以滿面春風，未知係咪好友羅天宇幫佢靚呃like相，但好明顯靚湯心情真係超級靚，同半年前喺ig懷緬過去嘅「文青風」真係極大落差！ 就連好姐妹岑杏賢都話 “I love this smile and it’s back.” （我鍾意呢個笑容，佢番嚟喇！）呢句話中有話嘅留言，大家又點睇呢？

Photo from roxannetong @ if

Photo from roxannetong @ ig

Photo from roxannetong @ ig

上年9月，靚湯上載文青相，感受甚深引用五月天「後來」一曲，寫下：「無論是來故事怎麽，也要讓後來人生精彩著，後來的我們我期待著，淚水中能看到，你真的自由了。」似係走過失戀嘅痛苦，終於放低跟羅天宇4年感情。

Photo from roxannetong @ ig

靚湯仲上載ig story ，tag埋羅天宇，影住大家一齊行雪山。兩個人有講有笑，靚湯仲笑羅天宇著波鞋行雪山「個腦都唔知裝乜！」真係難以想像前度都可以friend成咁～

Photo from roxannetong @ ig

Photo from roxannetong @ ig

Photo from roxannetong @ ig

羅天宇都唔弱架～呢幾日都有keep住上載男神相～

Photo from lawjoey ＠ ig

Photo from lawjoey ＠ ig

呢一輯同狗仔影嘅相，跟靚湯上載幾張呃like相背景都一樣，相信都係「互相操刀」嘅傑作吧！

Photo from lawjoey ＠ ig

Photo from roxannetong @ ig

好多網民見到佢哋再次同框，「支持復合」呼聲甚高！有人甚至話「如果你地返嚟之後宣布復合，我會再一次相信愛情～」睇嚟大家都好掛住馬子仁、思思呢對螢幕情侶呢～

Text：TopBeauty Editorial

Photo Source：Instagram