年輕時毫不在乎，體悟過才真正懂得～明白4個特徵就代表你成熟了！

青春每天都在流逝，隨住時間不回頭地向前推進，你慢慢發現，自己年輕時毫不在乎嘅事物，對於長大成熟後嘅你變得有影響—你開始重視曾經你輕視嘅事物，步向「成熟」係緩慢嘅過程，你可能一直都唔發現自己嘅轉變，如果你發現自己有以下幾種諗法，就說明你已經蛻變成一個成熟嘅人，搵到自己生活上嘅平衡～

＃1 認識嘅人好多，朋友沒幾多個

年輕嘅時候，往往會認為識得愈多人愈好，所以我哋極度渴望建立強大嘅人際網絡，並以此為驕傲～時間幫你解決了唔好嘅人際關係，金錢會令你睇透人心，然而，生活中嘅變故會幫助你發現真正嘅朋友。你會發現，當你快樂時，朋友往往唔喺你身邊，但當你難過同絕望時，佢哋係第一個出聲安慰你嘅人。

Photo from jenniferjshum @ ig

＃2 接受困難作為生活的一部分

公開考試、見工、升職、降職、面對親人離逝......以上每件事發生前，你都跟自己講：「我無可能做到」、「我無可能面對到」，然而，你還是一一跨過了。你克服了自己、成功時你克服困難、失敗時你克服了低落情緒。你明白困難、障礙係生活一部分，如果任何事情都一帆風順，人就唔會成長。隨住時間推移，困難終會過去。與其悲傷抱怨、侷限自己，不如自信地微笑，並接受一切。

Photo from jenniferjshum @ ig

＃3 生活係享受，而唔係收藏

時間不停流逝，你所擁有嘅價值只會不斷降低，你學會享受當下快樂，因為時間一過，你可能再也搵唔到呢種感受了。

Photo from vvyeo @ ig

＃4 健康永遠排第一

工作、玩樂、工作、玩樂...年輕嘅歲月就係從中度過。你唔注重健康，隨心所欲，只為了追求金錢、快樂，到某一日，你發現身體開始變弱，感冒一星期都可以毫無起息，你亦發現你賺回來嘅薪水大多都用來睇醫生，買護膚品補救，真正等到你開始注重自己健康時，其實健康一早響了警號～你慢慢了解，想要幸福生活，健康一定排首位，才有氣力追求其他東西～

Photo from wongtsuiyu @ ig

Text：TopBeauty Editorial

Photo Source：instagram