林淑敏患癌感激韓馬利支持陪伴愛回家拍檔許家傑後台感動落淚！

By Evie on 21 Nov 2022

Digital Editor

日前，TVB《萬千星輝賀台慶2022》中的趣劇表演環節，由原本Bob林盛斌被整蠱狂飲5杯奶，到後來變成後輩向前輩道謝環節，其中林淑敏、高海寧、焦浩軒等驚喜現身，並輪流送花給韓馬利、胡楓和安德尊致敬，令全場非常感動。

Photo from 節目截圖

驚喜致敬環節

這個環節Bob扮演影帝與新人陳嘉慧拍廣告，但多次被連累NG要重複飲奶，例如：演攝影師的大王安德尊忘記開機拍攝、演道具的胡楓換奶的時候又教陳嘉慧可以慢慢講等，令全場爆笑，當陳嘉慧講錯對白被Bob鬧喊韓馬利、胡楓和安德尊安慰她的時候，螢光幕突然播出林淑敏、高海寧、焦浩軒等每人準備一封信分享了他們在前輩們身上所學習到的事。

Photo from 節目截圖

林淑敏患乳癌幸得韓馬利陪伴

其中，林淑敏表示當年在她患上乳癌時，多得韓馬利經濟和精神上的支持，互相陪伴才能渡過難關：「有段時間我身體、經濟出現問題，佢真係掉低老公晚晚同我傾電話，我以為你有困難時我會幫助返妳」，但同時很內疚在韓馬利4年前腦膜炎的時候，因工作沒有守候在韓馬利身邊，因此亦感到非常自責。

Photo from 節目截圖

許家傑激動流下男兒淚

在劇集《愛‧回家之開心速遞》中林淑敏的拍檔許家傑在後台看直播電視時也激動流下男兒淚，他解釋：「好感受到嗰種愛，Mary姐（韓馬利）患腦膜炎的時候，淑敏也有提起，但當時日日返工的確沒有太多時間可以去探望，淑敏當時真的係好唔開心。」又指看到林淑敏練習時已經感覺很感動，現場再看真的忍不住流下眼淚。

Photo from 節目截圖

Photo from fb@林淑敏 Mandy

Bob更希望大家喜歡下半部

而韓馬利回到後台也有繼續抹眼淚指：「真係冇綵排過，完全唔知道，我起初都唔知佢講咩，聽吓聽吓先知，個心...唔識點形容。」Bob在社交平台報平安時也有提到：「我更加希望大家會喜歡下半部份，三位前輩事前係完全唔知我哋有咁樣嘅安排，因為綵排嘅時候最後個結尾並唔係咁嘅，見到佢哋流露出真摯動人嘅反應，就係我哋最想做到嘅效果！」

Photo from 節目截圖

網民大讚「估佢唔到」

這場表演除了韓馬利和安德尊淚流滿面，曾志偉也忍不住眼紅紅，場面感人，一眾網民也留言：「明明係笑劇，點解到最後，要我泣不成聲，好感動，尊師重道，一代一代傳承下去。」、「原以為只是笑劇，想不到後面的致敬環節令人十分感動！」、「笑到肚痛笑完就喊好感動」、「呢幕係好感動，估佢唔到，估唔到TVB今年咁特別」

Photo from 節目截圖

Text：TopBeauty Editorial

56歲郭富城魅力震撼電視城狀態同實際年齡不符與方媛同框看不出年齡差距！

73歲「積少」顏國樑獲邀返娘家患鱗狀細胞癌積極治療直言離開TVB整個人變得開朗

袁偉豪疑不滿被《愛回家》抽水 + 報道以得罪傳媒做標題深夜發長文：永遠錯重點

20 Nov 2022

袁偉豪疑因近日接受傳媒訪問出街後，被各大報章以「得罪傳媒」做標題而不滿，加上日前TVB處境劇《愛回家》以他早前在社交平台拋下一句「我欠咗你哋班傳媒？」一事抽水，又出現「軟飯王」情節，激發他在IG發長文：「點解永遠都係錯重點？」

Photo from fb@袁偉豪 Benjamin Yuen

袁偉豪在IG Story寫道：「點解啲報道，永遠都係錯重點？明明係宣傳新歌，講吓近況，但係永遠出嚟就係錯重點嘅呢？又繼續無限放大？請大家千祈唔好覺得我仍然好失落，最差最壞嘅都已經捱過，我現在好好，真的很好，好開心。」惟之後他已經將其IG Story刪除。

Photo from fb@袁偉豪 Benjamin Yuen

疑被《愛回家》抽水

袁偉豪自從同張寶兒結婚後，就一直被外界封為「億萬駙馬」，網絡上亦不時有閒言閒語攻擊他食軟飯等；今年9月，金像獎最佳男配角得主馮皓揚退修TVB藝員訓練班的相關新聞中，袁偉豪被傳媒報道稱為「藝訓班星級導師」，他轉發相關報導並語帶不滿表示：「我欠咗你哋班傳媒？」

Photo from fb@袁偉豪 Benjamin Yuen

日前TVB處境劇《愛·回家之開心速遞》播出的一集，講到KC（歐瑞偉飾）因為主持的《法律知多D》被腰斬，得知消息的記者馬上包圍KC追問原因：「網民話你做主持冇實力」、「你喺法律界的表現一般，其實你係咪靠關係」、「如果冇你嘅姐夫，你做唔做到律師？」等種種問題令KC當場爆seed鬧記者：「你哋問夠未，我欠咗你哋班傳媒啊？」KC鬧記者事件成為社會熱話，之後有人在評論區留言：「KC同Rachel拍拖係軟飯王。」完全是以袁偉豪事件做故事素材。

Photo from 《愛回家》劇照

成箭靶陷入低潮

再加上袁偉豪日前接受《Star Talk》的訪問，除了宣傳新歌《馬路英雄》及分享製作心得外，亦有提及近年成為眾人箭靶而感到壓力大和不公平：「其實好大壓力，但我好被動，嗰段時間好低潮，好迷失，覺得工作上付出咗咁多，但反而外來嘅聲音，專注唔係工作上，而且仲成為箭靶，覺得有啲唔公平，變咗有一種好失落嘅感覺，成個人都冇晒光彩，跌咗落漩渦中。」