極度咋舌！港夫婦參考AV封面「絕頂・痴漢」影結婚相，新娘型爆解畫：突顯老公對我嘅迷戀！

By Michelle on 28 Mar 2019

Digital Editor

Life is short, don't be lazy . Be your own idol to enjoy every moment !

唔少人覺得婚姻大事當然要搞得好好睇睇，但到底點樣先為之「好睇」呢？以下呢一對新人，唔單止打破傳統，仲用上另類風格令參與婚禮嘅人在場都臉紅耳赤，甚至被傳媒封為「最爆Wedding Party」。以AV為題影相已經好爆，仲係用嚟做結婚相，咋舌程度直達101分！！！但呢個做法好多網民都表示支持，小編相信在場來賓見到都會笑到彎唒腰，有網民仲話：「感覺個2公婆感情都會好好，希望佢地百年好合！」

事緣有位網民經過酒店，見到Ball Room嘅結婚相放喺當眼處，但一睇之下相信當下無論係巴打定絲打都會即刻沖血上腦，因為結婚相並唔係行唯美浪漫風格，而係超大膽地用日本AV「絕頂・痴漢」為題！見到覺得好笑又尷尬啊～

Photo from from lihkg

相入面仲寫住「OL x 解禁」、「幼齒」、「港女麥杜杜大膽演出」、「鮑魚汁108種類の調理法」，加埋新朗伸唒俐又眼甘甘望住新娘對腳，成件事真係好出位啊～～

婚禮上播出呢段有電車痴漢讀白，跟蹤OL嘅「另類婚禮感人短片」，影片甚至紅到去台灣！有網友搞笑問「新娘番號呢？」

Photo from from 東森新聞

而另一張畀賓客簽名之用嘅大海報就以「激婚」為題，海報上仲寫住「結婚就像坐監，無論怎樣！你都一定要站，起，來」，又引用《激戰》張家輝一句「怯，就會輸一世。」屁股同中指都打格仔，唔知當晚有無小朋友出席婚禮呢？（笑）就算婚禮謝絕小朋友到場，網民都反問：「四大長老冇反對咩？」、「老人家見到應該會唔鐘意！」

一對新人仲勁有心思整埋「同系列」嘅回禮禮物—一枝印有「細佬」字樣嘅天然潤唇膏，唔睇清楚真係可能惹人誤會搽錯地方！（笑）

新娘正職原來係做氣球佈置，佢亦話自己幫過好多新人做婚禮佈置，「所以當我哋搞自己嘅婚禮時好想做得特別一點。」又話屋企四大長老好支持佢同老公搞一個「有個性、不一樣的wedding party」，「一致通過用癡漢為題，去突顯我先生對我的迷戀。最攪笑，最爆的係我最後講一句- 痴線㗎我哋今日都結婚啦！我地唔係想不文，唔係想低俗，只係想過下戲癮，做一次主角！婚禮上做公主，王子係主流，但我地想貼地d，爆d，以一個大家都估唔到的型像去演繹。想我地班朋友睇完會笑餐飽！幫大家減減壓！想將來我地可以同孫仔孫女講，當年公公追婆婆的時候有幾有個性！」