不要讓感情冷掉！4件令愛情升溫小秘訣—定期深度對話、擁有共同目標、保持透明度高！
仲記得上一次收花係幾時嗎？兩個人手牽手漫步公園仲仍然記憶猶新嗎？當兩個人拍拖日子耐咗，就慢慢將一切當成習慣，令激情愈嚟愈少。要知道「激情」係維繫愛情其中一個重要因素，如果因為激情日漸減少，雙方就會日漸生疏，愈行愈遠。愛情就係一堂人生必修課，如果希望愛情可以走得遠，就要學識以下4個令感情升溫嘅小秘訣！
＃1 透明度高是好事，將自己嘅夢想同目標話畀另一半知
能夠有意識地向住人生目標前進，先有機會擁有自己夢寐以求嘅生活。而兩個人拍拖，自己追求嘅目標若然能夠得到另一半幫助或者體諒，就更加可以為兩個人生活搵到一平衡點，減少各自出現期望落差嘅情況，更可以深化二人感情，得到另一半有用嘅建議同提醒，記得～另一半能夠參與你嘅人生計劃，係一件幸福嘅事情～
Photo from hannah.jenwu ＠ ig
＃2 生活上總有些事情會係二人共同進行
就算已經結埋婚，住喺同一屋簷下，有啲人關係就好似「同屋主」，生活完全無交集。而交集係要兩個人主動拉近彼此，先可以創造出嚟。所以要於生活中設定一件事情，係兩個人共同計畫、進行。例如想要改變屋企嘅裝潢，就一齊去設計；或者一齊報名跑馬拉松，每星期都一齊訓練......當生活有了交集，感情就自然能夠維持一定熱度。
Photo from q_gill @ ig
＃3 一起計劃旅行路線
旅行對於好多人嚟講，係屬於生活上嘅短暫逃離。而我哋都確實需要旅行令自己放鬆、開拓視野。如果你哋係拍拖無幾耐，去旅行絕對係一件好事而非有「風險」嘅事，雖然話相處幾日會睇清楚雙方生活上有咩唔夾，但這正正係一齊要計劃旅行嘅原因，唯有經過磨擦後，彼此先可以擁有契合。
Photo from wongtsuiyu @ ig
＃4 假日就deep talk一下吧～
如果情侶間係可以敞開心扉一齊deep talk，傾甚麼也好，慢慢地從舒緩情緒嘅過程中，令雙方情感有了更深嘅連結，從洗滌心靈嘅詔程中或者感受浪漫嘅溫度吧～
Photo from wongmanyik ＠ig
Text：TopBeauty Editorial
Photo Source：Instagram
