李嘉欣談大劉舊片再被翻hit！The One廣告原來只是一場戲？網民：許生會唔會覺得中伏
富商劉鑾雄（大劉）昨日（3日）開記者會一次過拆解多個「都市傳說」，更回應傳足多年的「The One」之謎，他解釋集團旗下的尖沙咀The ONE是由其子劉鳴煒所命名，不是自己所想，意指與昔日緋聞女友李嘉欣毫無關係，令到李嘉欣昔日大談大劉的舊片再被翻出討論。
Photo from 網上照片
位於尖沙咀的The ONE商場於2002年被華置集團以11億元購入並於2005年拆卸重建，總投資額超過20億。2006年，李嘉欣生日時，有「神秘人」斥資於兩份報章刊登全版廣告祝賀「Happy Birthday Michelle 20.06.2006」，而下款為「With Love, The One」。當時外界以為是剛剛與李嘉欣交往的許晉亨所為，但其後大劉承認廣告是他花了20萬登的，雖然已同李嘉欣分開，但二人仍是好朋友，大劉亦表示自己「好錫」李嘉欣，並說登廣告不代表什麼，只希望她幸福快樂。
Photo from fb@The ONE
Photo from 網上照片
親解The One之謎
所以當The ONE起好之後，外界一直以為其商場是大劉向李嘉欣的直接表白，表示對方是他「一生中最愛」。不過，大劉昨日在記者會中解釋商場The One名字是由兒子劉鳴煒所命名，並非如傳說中的「一生中最愛」，他指自己英文好差：「我本人喺任何思想、任何環境之下，都未曾諗過一個名叫The One」，而有關當年的報紙廣告，大劉憶述曾有舊相好將稿件交給他的秘書去登廣告：「有啲人想搵老襯，成個廣告板隊埋嚟，叫我搵秘書去登廣告，我都會照幫手嘅。」疑似送大大份順水人情？！
Photo from ig@kimbeechan_official
Photo from ig@michele_monique_reis
李嘉欣大談大劉舊片再度翻Hit
大劉口中的「舊相好」令外界都猜測為李嘉欣，令到關於李嘉欣大談大劉的舊片被再翻出討論。當年李嘉欣為陳志雲主持的節目《志雲飯局》擔任嘉賓，激罕剖白與舊愛大劉的一段情，她表示相當信任大劉，而大劉亦十分照顧她，對她無微不至，李嘉欣更坦言被大劉的霸氣及細心所吸引：「我屋企停電，佢會行上廿幾樓送嘢畀我食，用咗佢個愛心。」
Photo from 影片截圖
Photo from 影片截圖
李嘉欣亦有提到大劉在她6月20日生日當天，在報紙上登了全版廣告：「Happy Birthday Michele 20.06.2006」，李嘉欣指大劉對她的愛錫已經去到另一個階段：「因為今年係一個好特別日子，20.06.2006，佢認為一生人只有一次，作為一個生日禮物。」更笑說大劉不想用全名，所以才用「The One」來代替，自己問了幾個人才知道登廣告的人是大劉。
Photo from ig@michele_monique_reis
李嘉欣承認當時介入大劉家庭
李嘉欣亦坦承，她與大劉的戀情一定有有傷害到別人的家庭，但是由於自己當時太過於投入其中，因此「管不了那麼多」，又表示自己只有一半的責任，因為當時她深信大劉的情話：「因為當時佢講（甜言蜜語）講得好好聽，你知我純啊嘛，我當咗係真」。
Photo from 影片截圖
登報事件是李嘉欣自導自演？
李嘉欣的這段影片再度翻hit，不少網民認為登報事件只是李嘉欣自己做的一場「戲」，紛紛留言：「佢好大方，借個名比舊愛呃老襯上岸，對方仔都生埋先講出嚟，算係咁」、「許生會唔會覺得自己中左伏！」、「仔都十幾歲先俾人爆大獲⋯⋯樣靚冇用，個格唔得」、「許生以為執到寶呀！大美人」等等。
Photo from ig@michele_monique_reis
Text: TopBeauty Editorial
相關文章：
更多相關文章
劉鑾雄開記者會與呂麗君劃清界線 首談「春卷乒乓波傳聞」：我谷咗氣好耐！
03 Jan 2023
「大劉」劉鑾雄早前被拍到在與舊愛呂麗君一同現身皇室堡，由於這是二人情斷八年後首次公開場合上一同露面，引來不少揣測指二人舊情復熾！大劉除了發聲明嚴正表示未與呂麗君復合，透露對方有困難有事相求外，今日大劉再開記者會澄清外，同時更激動回應多個關於他的「都市傳說」，包括春卷、乒乓波傳聞！
Photo from IG：kimbeechan_official
Photo from IG：kimbeechan_official
太太甘比未有為事件不高興
「大劉」劉鑾雄上月尾被拍到與舊愛呂麗君共同現身銅鑼灣皇室堡，消息傳出後引來網民熱議！其後大劉在12月31日發表公開聲明，澄清與呂麗君見面有關交易純屬商業性質！當時有不少網民大讚大劉此舉是對太太甘比陳凱韻派定心丸！而大劉今日就再開記者會詳細澄清失實傳聞，期間被問到甘比有否就此事不高興時，大劉表示「點值得？佢知道發生咩事！」！
Photo from IG：yvonneluitrust
諗足2分鐘決定幫舊愛
大劉坦言「阿呂小姐，我唔係考慮到佢對仔女，一個12歲、一個20歲，我決定幫與唔幫，平時我諗嘢0.1秒可以決定到，我都要諗咗足足兩分鐘。唔係數目大細問題，係應該唔應該，就係唔想到時有難堪出現影響到對仔女，希望你哋明我講乜，唔明我都冇辦法，我都係為仔女保留番一啲尊嚴......另外我都要保護自己同陳凱韻（即太太甘比）同三個仔女同其他仔女」！
Photo from IG：yvonneluitrust
「我依家肯去執的話，排隊排到黑龍江」
早年有不少「都市傳說」關於「大劉」劉鑾雄及其女伴，今次大劉就一次過回應這些「都市傳說」！他提到有一位前度結婚三、四年，一年都向他要數個鱷魚皮、鑽石手袋等，暗示畀個手袋大家就可以「有後續」，大劉笑言「男人同女人，有啲人去執人一劑可能益個女人，有啲人執人一劑係益自己，係相對嘅。我諗我依家肯去執，排隊排到黑龍江呀。講笑啫，我依家行路連地下有張銀紙都執唔到呀。」！
Photo from IG：kimbeechan_official
Photo from IG：kimbeechan_official
激動回應「春卷、乒乓波傳說」
提到「大劉」劉鑾雄當年與不少女朋友的關係，不少人都聽過「春卷、乒乓球、高爾夫球」等都市傳說，大劉少有的親自回應傳聞，他坦言「我谷咗氣好耐，最緊要係澄清唔好畀人造謠造非。我好多氣谷谷埋埋，話塞春卷呀、乒乓波、網球呀，點樣鬧人、摑人兩巴、人地喊呀即刻攞張支票掟埋塊面度，我隨身都唔袋支票！」！大劉也表示自己過去有很多女朋友，而娛樂圈的女友只佔1%，但交往過的娛樂圈女友品行是「魔、妖乜都有」！
斥蕭若元老作
「大劉」劉鑾雄更點名指「燈神」蕭若元造謠，他提到「有人話我同陳凱韻結婚，話佢阿媽畀咗個腎我，想去報恩就同陳凱韻結婚。我要換腎都搵個後生啲啦，60歲人仲要搵個老腎去換。」
Photo from IG：michele_monique_reis
親揭The One廣告真相
當年盛傳大劉在報章頭版刊登示愛廣告，以「The One」賀舊愛李嘉欣生日一事，大劉就表示「我個人呢就好肯幫人嘅，當有啲人想搵老襯，成個廣告版隊埋嚟，叫我搵啲秘書去登廣告，我都會照幫手嘅......我本人從來都無諗過個字叫「The One」，工作上都私人都無諗過。」當再有人問到蕭若元指他最愛李嘉欣一事，他就提到「我最鍾意最愛邊個佢又知嘅？我自己都未知呀！咁多位，哈，佢話佢知我最我邊個邊個，佢講嚟講去都係作！」
Photo from IG：yvonneluitrust
曾斥呂麗君「面皮厚過恐龍皮」
大劉與舊愛呂麗君自2014年分手後，曾公開指責呂麗君「面皮厚過恐龍皮，多年來『呃呃氹氹』總共20幾億元。」同時揚言自己不會問舊愛追回送出的Hermès手袋：「我收番任何一個手袋就絕子絕孫」！
Photo from IG：kimbeechan_official
Photo from IG：kimbeechan_official
Photo from IG：kimbeechan_official
視甘比為最後一個女人
大劉與甘比陳凱韻2016年結婚，大劉公開表示「甘比是我最後一個女人」！大劉為何會情傾甘比？大劉曾表示「我認識甘比十幾年，她從來都不是物質主義的人，亦沒有要求過我買任何禮物或者零用錢。」其後大劉身體多病時，甘比都一直在身邊盡心盡力、不離不棄地照顧丈夫，令大劉深受感動，他更曾提到「現在就算有100個靚女在我面前，我都無動於衷」！
Text：TopBeauty Editorial
