長髮女福音！每天洗頭髮質會變差？專家：可2-3天洗一次
長髮女仔好多時都有洗頭恐懼症～～洗頭唔係最麻煩，吹頭先要花最多時間！兩三日唔洗可以紮起呃下人，再多兩日就要乖乖洗濕個頭了（哭）不過原來唔係每個人都適合每日洗頭，清潔過度可能會損害頭髮，令髮質變差！長髮女今次有福音啦～！
Photo from Pinterest
有人話臉上嘅天然油脂可以保護皮膚，其實頭皮都一樣～頭皮上嘅油脂其實都有保護功能，只不過現代人唔係好接受到頭上油油的～
Photo from Pinterest
另外係洗頭過程中，頭髮嘅毛鱗片會打開，太頻密洗頭會令毛鱗片又開又關，令頭髮做成負擔，成為髮質變差嘅元兇！
Photo from Pinterest
洗頭其實大有學問！如果太大力用指甲抓頭皮、用太刺激嘅洗頭水，或者沖不乾淨，都會損害頭髮，長時間更加會導致脫髮！另外洗完頭如果太大力抹乾個頭、或太暴力把頭髮梳順，都有機會傷害到頭皮！加上每次吹頭都期望快點乾，把風較到最大最熱，也是對髮質不好的動作呀～！原來頭皮一直以來都有咁大負擔，真係辛苦了我的頭皮～
Photo from Pinterest
究竟頭髮可唔可以日日洗？每日洗真係會傷頭髮嗎？有皮膚科醫生表示其實洗頭次數取決於唔同頭皮特性同天氣！他認為油性頭皮，特別係夏天多出汗季節可以每日洗一次，其他季節就可以每兩、三日先洗一次；中性至乾性頭皮夏季可以兩至三日洗一次，其他季節可以三至四天洗一次～
Photo from Pinterest
其實係香港咁熱咁潮濕嘅天氣，每日洗一次都好正常嘅～始終個頭太油都會比人唔乾淨嘅感覺，做好正確洗頭程序先係最緊要～
Text：TopBeauty Editorial
Photo source：Pinterest
