單立文：其實結婚真係無事嘅，咁快就11年啦！豹哥豹嫂相愛逾20年，維繫方法只靠一顆真心～
尋日（28號）就係單立文同胡蓓蔚嘅結婚周年紀念日！豹哥IG貼出合照，並說到：「其實結婚真係無事嘅，咁快就11年啦」，而豹嫂亦透露二人1996年因為音樂結緣～其實兩人由拍拖到結婚到現在已經相愛超過20年，不過一直都咁恩愛，人前人後都係甜蜜夫婦，原來維繫方法好簡單，就只係靠一顆真心～
Photo from Instagram
踏入結婚第11年，豹哥同豹嫂都有喺IG上發文慶祝，原來唔止今年，上年結婚周年嘅時候佢地都有Post相～相愛超過20年、結婚11年，兩人依然好重視呢個日子，而呢份重視係完全發自真心～豹哥曾經話過，如果要比心機keep就唔係婚姻：「你對她好，真是衷心對佢好，每分每秒都為她著想，每個moment都想她笑、想她開心，先至是真正的結合，都是出自真心，不是玩玩的、或者有其他外來因素而影響到你的諗法。 」
Photo from Instagram
人前人後我地都成日見到豹哥豹嫂有講有笑，與其話佢地係一對夫婦，其實更似一對好朋友～佢地嘅感情一直都無出現過低潮，豹哥話原因係因為佢本身就無咩朋友，所以朋友就只有豹嫂：「朋友是她、老婆又是她，她把我take care得好好，對於這樣的女人，夫復何求呢？」
Photo from Instagram
豹哥仲話豹嫂曾經喺低潮嘅時候陪佢度過艱難時期，所以佢地特別珍惜宜家收成嘅日子～曾經有個好出名嘅相士訪問豹哥，話佢同豹嫂如果上年無下一代嘅話，佢地嘅關係到2020年就會出現小三。豹哥面對相士嘅預測，唔單止唔擔心，佢話佢反而想有小三，想睇下自己可唔可以經得起考驗。
Photo from Instagram
有唔少人都話婚姻係墳墓，但豹哥唔係咁睇，雖然結婚10周年嘅時候佢喺IG提到自己10年前成為老襯，但旁人都感受到佢心入面其實係好開心，今年發文慶祝11周年，佢話「其實結婚真係無事嘅，咁快就11年啦」見到豹哥豹嫂咁幸福，又洗咩怕結婚呢？
Photo from Instagram
Text：TopBeauty Editorial
Photo Source：Instagram
