不要再誤解我！外向人最容易被誤會5件事—外向不等如自信爆棚、外向也會厭倦做主動！

身邊總有一個咁樣嘅朋友—陌生環境中仍有超強適應力、可以好快同陌生人混熟打開話題、人群中往往都會成為焦點，而且你會覺得佢哋無時無刻都充滿能量，呢啲都係你對「外向者」嘅既定印象嗎？其實「外向者」都有鮮為人知嘅一面，大家唔好再誤會佢哋精力無窮、一日365日都樂觀自信了！

Photo from yungchoyee @ ig

＃1 外向者永遠都會做主動

外向人唔怕穿梭於大大小小嘅社交場合中，更會喜歡帶動氣氛。人們認為佢哋想要掌控一切，但其實外向嘅人都會偶爾厭倦主動同搭訕，甚至主動打開話題係因為源於本能嘅慷慨，令佢哋填補尷尬嘅沉默。如果你身邊都有一啲外向朋友，試下主動搵佢而唔係等佢搵你吧～

Photo from yungchoyee @ ig

＃2 外向者可以跟每個人做朋友

好似同任何人都有話題嘅外向者，其實並唔係你想諗嘅「萬能key」佢哋雖然有親和力、好傾又好相處，但都有屬於自己一套嘅交友準則。佢哋會對新事物有好奇心，唔會豎起高高嘅心牆，將唔熟嘅人拒之千里，但唔代表跟外向者交往時，唔需要展現基本嘅禮貌同尊重。

Photo from yungchoyee @ ig

＃3 外向者唔係好嘅聆聽者

成日都覺得外向嘅人說話總是喋喋不休？實際上佢哋可以係一個好好嘅聆聽者～心理學家 Jennifer  Kaweile 認為，外向嘅人優勢在於佢哋擅長對事情提出客觀解讀。因此，佢哋可能會問「你講一下自己諗法吧」、「你嘅意思係......嗎？」透過追問，你可以跟佢哋建立有深度嘅對話，而且了解自己真正所想。

Photo from choisaaaa @ ig

＃4 外向者唔需要獨處

係好多人眼中，「內向者需要個人空間，外向者需要被人群包圍」心理學家Jennifer  Kaweile 指出，外向者雖然的確比較能從與人互動、社交中獲得能量，但佢哋同樣需要有安靜、唔被人打擾嘅獨處時刻～唔好再誤會外向嘅人唔需要任何私人空間了。

Photo from selenaleelalee @ ig

＃5 外向者比較樂觀自信

外向、內向唔係根據信心水平去衡量，外向者都會經歷不安與焦慮嘅時刻。無可否認，佢哋慣於展現出堅強開朗嘅模樣，好易令人誤會佢哋成日都「自信爆棚」，所以忽視佢哋嘅情感需要。希望大家都會明白每一道陽光背後都躲著一抹陰影，外向嘅人都會期待有人可以察覺到自己嘅內心脆弱，有人會安慰自己。

Text：TopBeauty Editorial

Photo Source：Instagram, Pinterest