秦嵐：「女人一定要活出自己想要的」！勉勵女性做自己，30歲也不要為結婚面結婚，拒絕被傳統觀念約束～

By Aisa on 11 Oct 2018

內地劇集《延禧攻略》中深得觀眾喜愛嘅富察皇后（秦嵐飾），因愛兒逝世而跳樓輕生，讓人感到婉惜，而秦嵐就於本周二（11日）來港參與護膚品牌活動。好多演員戲裡戲外都唔一樣，但秦嵐嘅生活態度，就同劇入面富察皇后非常相近，態度平易近人，有自己一套看法！

Photo from 秦嵐@Weibo

今年37歲嘅秦嵐，出道嘅時候只係得18歲，曾經拍過好多部著名電視劇，包括瓊瑤作品《環珠格格3》同埋《又見一簾幽夢》，而佢亦有份參與《我和殭屍有個約會III》。個性清純嘅佢多次飾演「腹黑」角色，令佢戲路變得廣闊，充滿挑戰性。

Photo from 秦嵐@Weibo

要做符合自己年紀的事情

秦嵐年輕嘅時候敢於挑戰，鐘意接拍同現實落差大嘅角色，佢話：「如果二十歲的時候碰到富察皇后的角色，可能會直接放棄」，佢認為呢個角色個性平和，所有表達都追求「平穩」，舊時年少輕狂，宜家嘅佢漸轉成熟，想法都唔一樣啦，佢話富察皇后嘅年齡設定，同佢實際年齡相乎，於是佢就決定接拍～

Photo from 秦嵐@Weibo

好多人會覺得角色難度低，會令演員都變得唔起眼，但秦嵐覺得：「人還是要做符合自己年紀的事情，這也沒甚麼不好，接受現實、接受當下的自己，有時一味迎合、妥協，其實是自討苦吃。」對於唔少30歲以上嘅女生會怕青春流逝，刻意著一啲少女服飾，遮掩年齡，佢話：「何必呢﹗」

Photo from 秦嵐@Weibo

等待愛情抓緊機會

踏入30歲，好多人都好焦急，想盡快組織家庭。但秦嵐對呢樣野好灑脫：「為什麼要讓某種觀念約束自己呢？除非我遇到那個想結婚的人，不然不能因為年齡到了就慌了」，佢認為時機自然會來臨，唔洗勉強自己戀愛。

Photo from 秦嵐@Weibo

而佢喺扮演富察皇后嘅過程當中，得到好深嘅體會：「在愛與被愛的關係中，都要學會主動的付出」、「不論愛情、親情還是友情，學會主動擁抱別人先去付出自己的愛，才能有更好的愛和回報。」愛情唔單止要靠時機，仲要靠自己主動抓緊機會，若果苦苦等候對方做主動，守株待兔，機會就會慢慢離去，既然如此不如先做主動，裝備自己，比自己一個機會！