郭富城53歲生日,太太方媛帶同愛女Chantelle替天王爸爸慶生,父愛爆棚抱愛女影相,自爆:喜歡多人的家庭!

郭富城53歲生日,太太方媛帶同愛女Chantelle替天王爸爸慶生,父愛爆棚抱愛女影相,自爆:喜歡多人的家庭!

Hot Topics
By Michelle on 30 Oct 2018
Digital Editor

53歲嘅郭富城跟太太方媛結婚前,從來無公開承認過戀情,無腳嘅雀仔身邊女伴一個接一個,就連男人都會視呢位天王為「真男神」,全因佢切頭切尾嘅不羈演釋出何謂真浪子。2015年,高調認愛上方媛,成為天王愛情史上唯一嘅「城嫂」,當時成為一時佳話。日前係城城53歲生日,經理人小美為城城大搞生日派對,唔少圈中好友到賀。太太方媛同愛囡Chantelle亦有為天王爸爸慶生,城城手抱愛女影合時,面上盡是父愛,場面超溫馨~

Photo from mokafy @ ig

要細數城城情史,真係可以講大半日,跟佢傳過緋聞嘅女星個個都係性感尤物,朱茵、藤原紀香、苟芸慧、熊黛林......跟熊黛林一齊7年,城城都只係用「好朋友」形容二人關係。無腳雀仔遇上對的人,終於喺2015年,首次公開第一個「城嫂」~當年城城上載一張係車內嘅拖手相,寫下愛情金句:「這樣開車要慢一點」,直認愛上比佢細23年嘅方媛。

Photo from from Weibo

結婚後,同年生咗囡囡Chantelle,家庭生活一直低調,為咗保護囡囡,城城同太太一直無公開Chantelle嘅樣,不過就有傳媒大讚Chantelle生得標緻可愛~

Photo from from Weibo

城城嘅53歲慶生派對場面非常熱鬧,生日蛋糕上刻上城城英文名,仲鑲嵌咗「皇冠」、「珍珠」等飾品,連同另一個「跑車蛋糕」唔知係咪太太精心準備呢?

Photo from from Weibo

Photo from mokafy @ ig

Photo from from Weibo

郭富城喺微博上寫道:「非常感謝大家對我的祝福與支持,我會繼續努力做一個更優秀的自己來答謝你們。」雖然城城已經年過半百,但身穿黑色襯衫,搭深色牛仔褲嘅佢依然勁有風範~身旁嘅方媛身穿黑色西裝外套,長髮及肩,完全睇唔出已經生咗一胎呢~

Photo from from Weibo

郭富城之前接受傳媒訪問時,罕有地鬆口講家庭事,佢坦言自己年過半百,仍然可以做爸爸係上天恩賜,更直言而家要去考慮家人、小孩,但佢依舊開心「這種愛,是你以前還沒結婚,還沒有小朋友的時候,是不會出現的,因為這些是真實開心。」

Photo from from Weibo

對於有指方媛懷第三胎,城城就話:「無論將來有多少個小朋友,都是很開心,老實說我是喜歡一個多人的家庭,開心的家庭,不過暫時不可以說太多。」睇嚟Chantelle好快就有多個細佬妹陪佢了~

Text : Girlslike Editorial
Photo source : Weibo, Instagram, Sina

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK