別為嘴賤的人而動氣！愛批評只因缺乏安全感，3種方法助你自信優雅面對負面評價～

電影金句「成世人流流長，總會愛上幾個人渣。」事實上，平凡生活中，身邊已經充斥住小人，有時候佢哋未必係大奸大惡，只係把口特別賤，至鍾意就係以身邊人八掛事大造文章講無營養嘅話題。「咁都唔識？xxx無同你講架咩」、「呢個髮形唔啱你喎，你咁有自信嘅？」、「大把人叻過你，你都係算吧啦。」面對佢哋嘅批評，雖然你心知只係「無傷大雅」嘅一句，但有時總會被動搖了，甚至懷疑自己係唔係咁差。面對無理批評同否定時，女生可以試試以下3種方式應對～

＃1 了解自己，並且展現出自信心

會因為他人批評而不自覺懷疑自我，歸根究底係因為缺乏自信心。但生活上無可避免會遇上常有意見又受批評嘅人，記得先喚醒自信心，千萬唔好咩嘢都無諗清楚就急住「自我審查」。遇上負面看睇法時，自信可以成為你嘅保護罩，更會幫助你理智地去判斷對方所講嘅說話係唔係道理之言。

Photo from roxannetong @ ig

＃2. 包容那些日夜挑剔嘅「可憐人」

被評頭品足後，女生千萬唔好因為對方對於自己嘅負面睇法過於放上心，甚至成為你心中道陰影！雖然「聽完當無事」真係好難做到，但你可以透過以下觀念令你對其他人講嘅無聊說話「無咁上心」—喜歡批評其他人，係代表佢哋無法擁有安全感，負面說話係發自內心嘅脆弱。女生要記得：只有當你唔再擔心其他人點睇你嘅時候，你先可以大膽思考做出更好嘅決定～

Photo from aliaime @ ig

＃3 改變唔到外在因素，選擇「逃避」不失為上策

盡可能忽略同避免跟有事無事都愛批評嘅人相處，因為你好難改變佢哋。請確定自己唔會將自己嘅寶貴時間同精力放喺一個唔值得被你善意對待嘅人身上吧～

Photo from aliaime @ ig

Text：TopBeauty Editorial

Photo Source：instagram