《跳躍生命線》張曦雯為拍劇花盡心思，特地一共穿10個耳窿、跟親戚請教揸電單車～
近日熱播劇集《跳躍生命線》，成為TVB近期最受歡迎嘅劇集，而今次劇集嘅演員陣容入面，大多都係正面形象，所以觀眾睇嘅時候都睇得好舒服，特別係劇中女主角張曦雯，佢一向都係親民女神形象，今次一樣係劇中嘅焦點之一！
在 Instagram 查看這則貼文
張曦雯嘅形象向來高貴大方，比人一種好離地嘅感覺，但後來佢喺網上直播打機，仲會因為玩得太激動而忍唔住爆粗，大家見過佢嘅真性情之後，都讚佢睇得又玩得～
在 Instagram 查看這則貼文
而今次佢拍攝《跳躍生命線》， 飾演一個外國回流嘅女仔，一時做車房技工，一時做芭蕾舞教師，剛柔並重，其實都同真現嘅佢好相似～
Photo from 《跳躍生命線》
Photo from 《跳躍生命線》
而張曦雯喺劇內服裝都係帶健康性感，盡顯佢fit到爆嘅身材，網民對佢今次嘅演出都有好多正面評價！
Photo from 《跳躍生命線》
而且張曦雯好專業，為咗拍《跳躍生命線》，佢返美國放假嘅時候仲向親戚請教學揸電單車，雖然最後無考到牌照，但劇入面佢都係有型有款嘅～
Photo from kelllycheung@Instagram
除此之外，張曦雯為咗配合劇入面嘅形象，本來兩邊耳仔只係各有兩個耳環洞，佢再喺右耳嘅耳骨、耳門多穿幾個耳洞，宜家佢一共有10個耳窿，為咗劇集花盡心思。
Photo from 《跳躍生命線》
今次佢嘅演出都可以算係做番半個自己，唔知大家又鐘唔鐘意張曦雯今次嘅演出呢～？
Text：Girlslike Editorial
Photo Source：Instagram, 《跳躍生命線》
