「最美千金」何超欣著Hermès出席世界首腦會議才貌雙全獲讚骨相美人！

By Vivian on 21 Feb 2023

Digital Editor

現年24歲的何超欣是已故賭王何鴻燊與四房梁安琪的孻女，自小才貌兼備的她於美國麻省理工學院（MIT）管理學與建築學雙學位畢業後，再到北京清華大學升讀碩士，可見她不但外貌出眾，學業成績亦同樣出類拔萃！日前，何超欣更現身杜拜獲邀出席當地舉行的世界政府首腦會議，年紀輕輕的她已頻繁登上國際舞台，相當厲害；而24歲的何超欣近照亦愈見標緻，氣質出眾，網友紛紛大讚她是「骨相美人」！

Photo from weibo

獲邀出席世界首腦會議

何超欣去年7月於清華大學畢業後，獲任為「世界大學氣候變化聯盟（GAUC）首席青年官」，並獲邀出席清華大學舉行的首屆世界青年發展論壇，其後她更出發埃及參與《聯合國氣候變化框架公約》第二十七次締約方大會（COP27）；近日她在微博分享近照，現身杜拜出席當地舉行的世界政府首腦會議，相中可見，她以一身黑色西裝出席會議，打扮端莊得體，頗有專業人士形象；而在私下的閒餘時間，她則換上了Chanel粉色格仔外套並著上Hermès涼鞋，時尚又貴氣！聚餐時又換上了一身Hermès白色連衣裙，並將頭髮全部紮起，造型落落大方，盡顯何家千金地位！

Photo from weibo

Photo from 影片截圖

獲讚骨相美人

身為何家四房孻女的何超欣，自小已集萬千寵愛於一身，不僅被哥哥何猷君「錫到濃」，爸爸何鴻燊出席活動時更讚她：「靚到不得了！」現時長大成人的她，亦會大方以全素顏出鏡，在原相機零濾鏡之下依然清秀脫俗，氣質出眾，五官輪廓精緻立體，臉部骨骼完美耐看，有網民更讚她：「骨相美人，氣質絕佳」、「素顏靚過化妝！」。

Photo from weibo

坐擁7億物業

近年何超欣頻頻出席公開活動，一舉一動亦成為了外界關注的焦點，她除了是品學兼優的學霸外，亦十分有生意頭腦。2016年四太梁安琪「想小朋友學投資」，便斥資共13億元購入Mount Nicholson共4個住宅單位，贈予2個女兒，有傳單位以月租過百萬出租。當時Mount Nicholson車位公開發售時，有指售價為880萬至950萬元，擁有一個住宅單位業主，最多可買一個車位，大手業主則最多可獲配售3個車位，車位分分鐘已經貴過一層樓，而當時超欣夥同家姐何超盈以6千萬買入共6個車位，如今身家估計至少有7億！

Text：TopBeauty Editorial

44歲廖碧兒為飲食生意豪擲200萬赴法國讀商氣派校園每日上足9個鐘堂

45歲「奀妹」傅天穎近況曝光！「走鐘近照」流出超驚人轉行做地產月賺6位數

商台DJ梁文禮被踢爆雙面人私人FB狂踩梁詠琪演唱會難睇 Gigi高EQ回應！

21 Feb 2023

梁詠琪（Gigi）一連三場紅館演唱會已經到了尾聲，連日來邀請了不同嘉賓站台，也有很多圈中好友到場支持，但商台DJ梁文禮卻被踢爆「雙面人」行為，他在首場欣賞完Gigi演出後，在IG限時動態大讚Gigi好靚，但尾場前他卻疑似在私人的Facebook帳戶狠批梁詠琪演唱安排差，指梁詠琪唱歌難聽，形容為「唱K咁」。

Photo from ig@leungmanlai

Photo from 網上圖片

被踢爆「雙面人」

早前商台DJ梁文禮欣賞完Gigi頭場演出後，在IG限時動態中大讚Gigi好靚，然後在尾場晚卻在私人facebook上狂數Gigi演唱會，他寫道：「個flow差，歌編得差，舞差，當然佢唱得差啦~ 其實都預咗，但係無諗過咁離譜，唱K咁！！連《愛自己》都入唔到呀大佬 ? 我全晚都睇得好猛，坐立不安......唯一想讚嘅係，佢短頭髮真係好靚好襯佢，身形好，將啲醜嘅衫都carry得好，好似呢件『着上一張抹完鼻血嘅紙巾』咁。」

Photo from ig@leungmanlai

梁詠琪高EQ回應批評

對於梁文禮的批評，Gigi指自己這次已盡最大努力，也承認有進步空間：「每個人都有自己抱著嘅期望或者標準去睇一個作品，我覺得唔緊要嘅，我都承認自己有好大嘅進步空間喺各方面，今次盡咗最大努力未必符合到每個人嘅期望，不過唔緊要，我仲會繼續做㗎嘛，咁我仲有進步嘅時間，所以希望大家畀啲時間我進步，繼續再做好啲啦。」，被問到將來宣傳時見遇到梁文禮會否感尷尬，Gigi笑言「未有時間諗呢個問題」。

Photo from ig@gigileungwingkei

網民力撐演唱會編排有心機

很多有入場的網民表示不認同梁文禮，又力撐Gigi演唱會編排有心機︰「我睇咗咁多次佢演唱會，今次唱得好好。」、「睇咗，真心以前唱得一般，但今次真係好好聽！係聽完會好想encore嗰隻！」，更斥梁文禮「份人好假」、「雙面人」、「咁虛偽，都唔知你邊個真。商台咩人都有」等。對於網民指梁文禮雙面，Gigi指：「我諗呢樣嘢就唔係好關我事，咁我做足自己本份又覺得有嚟睇嘅人鍾意就得啦。」

Photo from ig@gigileungwingkei

梁文禮向Gigi道歉

梁文禮在今日（20日）主持商台節目《叱咤樂壇》時，並表示已寫千字文向梁詠琪道歉，他解釋當日可能因座位影響了觀感：「我想對團隊，對梁詠琪講句唔好意思，第一日睇完好肉緊喺自己平台寫咗應該點做，有少少意見，之後傳媒話狠批。一個演唱會有好多面向，觀眾有自己選取。如果之後演唱會會出DVD我都想睇多次，我接收好多樂迷說話，問係咪睇唔到啲乜，可能我座位角度有啲嘢睇唔到，想欣賞多次。」，隨後梁文禮指已向梁詠琪親自解釋兼道歉：「我唔係作為outsider或所謂主持去狠批，我係一路好鍾意佢啲歌，啲歌陪伴我生活、經歷，同埋面對種種問題，肉緊聽先會有回應，其實向梁詠琪示愛，好支持佢，希望之後可以見面。」