婚變後身兼父母兩職！敬業樂業帶傷拍劇，放假專心照顧囝囝，呂慧儀：唯我獨有的，我非常珍惜。

By Michelle on 02 Apr 2019

Digital Editor

Life is short, don't be lazy . Be your own idol to enjoy every moment !

長腳蟹呂慧儀早前宣布跟黃文迪離婚，但「分訊」未有影響佢工作。自報道一出，呂慧儀仍然敬業樂業全情投入拍攝《愛‧回家之開心速遞》，而放假唔需要拍劇嘅日子，就會帶囝囝周圍去玩，可以話係身兼父、母兩職～

Photo from konniecrab ＠ ig

呂慧儀日前就喺ig上感慨咁話：「微笑，因為明白哭根本無用。愛你的人不要你哭，傷你的人由得你哭，好心的人擔心你哭，壞心的人取笑你哭。」似乎未放低傷痛，但呂慧儀努力自勉，又標籤「#秘書這樣教老闆 #無論遇上甚麼事 #微笑帶過就好 #如果做得到 #一切都會好 #如果做不到 #哭一會就好。」雖然生活未必如意，但佢一直都盡力做好媽媽角色，更以身教教導囝囝正確嘅人生價值觀。

Photo from konniecrab ＠ ig

自從傳出婚變消息後，呂慧儀未有怠慢工作，更多番寫下似係當下心情嘅自勉金句。之前佢就以熊若水身份寫道：「人有我有的，我才不希罕」，之後再用長腳蟹身份寫道：「唯我獨有的，我非常珍惜」大概就係呂慧儀當下嘅心情吧～

Photo from konniecrab ＠ ig

唔少網民都向呂慧儀打氣，更有人留言：「你對我黎講不只是我喜歡的藝人，更是我學習的對象！向你學習如何把媽媽這個角色做得更好，愛妳，蟹蟹。」

Photo from konniecrab ＠ ig

早前呂慧儀更因為拍攝《開心速遞》不慎整傷手肘，更需要綁上吊帶固定手臂，但休息一陣好快就繼續趕拍劇，盡顯女強人本色！

Photo from konniecrab ＠ ig

雖然婚變一事難免係人生中一個低潮，但堅強嘅呂慧儀就無因此大放負能量，放假日子仲成日帶囝囝玩。日前佢就上載一張手抱囝囝嘅相，大爆囝囝搞笑事！事源係囝囝睇愛回家時，發現張景淳咗錫媽媽一啖「老闆話唔開心，見到Stanley哥哥錫佢秘書，以為秘書唔錫佢了。」呂慧儀跟囝囝解釋拍劇係媽媽嘅工作，最後囝囝「原諒」媽咪。呂慧儀常用花名「老闆」老稱呼囝囝，又標籤了「#老闆好諒解 #長大了 #懂事了 #會思考的老闆」