對感情「寧缺勿濫」！37歲胡定欣IG罕有提及結婚意願：「我相信那個人岀現，我就會知道」！
胡定欣喺Instgram上傳同爸媽嘅溫馨合照，祝賀兩老結婚39週年～同時佢亦罕有地提及到自己嘅結婚意願，表示會等到真命天子出現，網民們都祝福佢快啲搵到如意郎君！
37歲胡定欣感情狀況一直受人關注，不過多年嚟佢專心打拼事業，於2015和2016年分別憑《鬼同你OT》和《城寨英雄》視后寶座，無暇經營感情，雖然前後有過幾後段情，但一直都未能開花結果～
噚晚定欣喺Instagram上傳同爸媽喺摩天輪下嘅全家福，祝賀佢地結婚39週年，同時罕有地提及到自己對結婚嘅想法：「一直在問婚姻是什麼，包含了什麼，這是必須嗎？我需要一段婚姻嗎？呢刻我沒有一定的答案，因為我相信那個人岀現，我就會知道。Daddy媽咪，祝您們結婚39周年快樂，永遠永遠幸福快樂。」
定欣字行間似乎透露想結婚嘅意願，只係真命天子仲未嚟到身邊，所以一直維持單身～呢種對感情「寧缺勿濫」嘅態度好值得女生們學習！
而網民們都留言鼓勵：「你嘅mr right好快就會出現」、「有一天一定會遇到你的幸福」、「妳一定能得到一个疼妳愛妳的人」等等～
定欣雖貴為視后但生活貼地踏實，又係個超級孝順女，之前為父母入手一間市值港幣$1100萬豪宅，更操得一副火辣身材，絕對入得廚房出得廳堂，係個好女仔無誤！
希望定欣快啲搵到命中注定嘅白馬王子啦～～
Text：TopBeauty Editorial
Photo source：Instagram
