不易分手的小秘訣！情侶維持快樂關係的十個生活習慣～不管心情如何，每晚都一定要說「晚安」～
有時候同另一半拍拖耐左會覺得感情變得冷淡，仲經常鬧交，唔知點樣去維繫甜蜜關係？其實情侶建立親密而良好關係需要雙方一齊去經營，每做一個動作、說的一句話都係令感情昇華嘅關鍵！著名心理學家Dr.Mark Goulston整理出十個「令情侶保持快樂關係的生活習慣」，每日完成呢啲動作，包你同另一半會甜蜜一輩子～！
Photo from ig @ wongtsuiyu
1.培養共同興趣
有沒有發覺熱戀期過後，好多時雙方會冇共同話題？培養共同興趣嘅出發點係製造話題，令相處變得有趣～但要搵個志趣相投嘅伴侶唔係易事，所以情侶間更加要努力尋找共同興趣～例如可以一齊試唔同嘅運動、手工藝，但同時要繼續發展自己本身嘅興趣，咁樣先唔會太過依賴對方～
Photo from ig @ sunnyboyyy
2.下班見面時，要給對方一個大大的擁抱
人類嘅皮膚係會有記憶的～放工後得到愛人擁抱會令一天嘅壓力都消除，開心嘅感覺會一直延續下去～
Photo from ig @ sunnyboyyy
3.每天關心另一半
每日都要打電話或傳訊息比對方，關心一下對方今天的事情～關心除左係表達愛嘅一種方式，如果對方遇上唔開心嘅事，你都唔會強求對方係自己面前勉強擠出笑容～
Photo from ig @ hannah_quinlivan
4.為你的另一半感到驕傲
「和另一半在一起是最開心的時間～」如果你經常有呢種想法，代表你地係好珍惜對方，打風都打唔甩啦～！
Photo from ig @ ghlchan
5.出外時要牽著手
甜蜜嘅情侶在一起時會好自然牽著手～牽手會比到大家一種安全、舒服嘅感覺，能牽著手和對方走到天涯海角都甘願～
6.比起另一半做的錯事，更留意他做了哪些正確的事
每個人都有缺點，但每個人都有優點～保持正面嘅睇法，多讚美、少挑剔，感情自然會更順利～
Photo from ig @ yingcaier
7.相信和原諒你的另一半
當大家有爭吵而無法解決嘅時候，快樂嘅情侶會選擇相信和原諒另一半，而唔係怪責同指控對方～
Photo from ig @ anitayuenwy
8.在同樣的時間上床睡覺
在熱戀期嘅係時候通常都會好期待同另一半一齊進入夢鄉，但久而久之可能因為工作、或作息時間不一而慢慢疏離～但同時間入睡可以延長熱戀期，對感情升溫好有幫助！
Photo from Pinterest
9.不管心情如何，每晚都一定要說「晚安」
無論雙方在爭吵或冷戰，都一定要同對方講一句「晚安」，表示心中仍然重視、在意對方，係維持長遠關係嘅重點～！
Photo from ig @ ghlchan
10.每個早上都要說「I love you」「Have a good day」
唔好覺得向對方講「我愛你」好害羞，係愛人面前係唔需要害羞～收到的人會超級溫暖的，放聲去表達愛吧～！
Photo from ig @ kyo1122
情侶快樂相處其實並唔難！只要每日做多少少、講多一句說話、快多少少心思係對方身上，對方一定會感受到你滿滿的愛的～！
Text：TopBeauty Editorial
Source：elitereaders
Photo source：Pinterest、Instagram
