大忙人4條戀愛守則~愛情與工作同樣是長線投資,別讓忙碌扼殺感情添遺憾。

大忙人4條戀愛守則~愛情與工作同樣是長線投資,別讓忙碌扼殺感情添遺憾。

Relationship
By Michelle on 04 Apr 2019
Digital Editor

有人話「忙碌會殺死愛情」,歌亦有得唱「盲目地發奮,忙忙忙其實自私」,但香港地仍然係有唔少人過住手停口停嘅日子,工作忙總好過無工作好忙吧~到底要如何平衡愛情與工作?大忙人就唔值得有拖拍嗎?心理師 Alice Boyes 提醒我們要謹記 4 個溝通原則:

Photo from louischeung2013@Instagram

#1  「我咁忙,都係為咗你」唔可以成為理由

你可能正在創業,或者正是工作上「搏殺期」,不由自主有以下諗法「我先暫時無視佢,但長遠嚟睇,我做嘅事都係為咗我哋嘅將來」即使動機係好,都唔應該以此去說服自己長時間忽略伴侶係「正常現象」。長時間忽略,可能會導致難以修復嘅裂痕 ,最後就會演變成愛得太遲,唔好令自己有遺憾吧~

應對方法:要明白愛情、學習、工作,三者都係需要長期投資,假如你某一方面「荒廢」一段時間,必須花更多心神重拾熱度。小編認為,根本唔存在工作比愛情重要得多呢回事,兩者都需要經營吧~每星期約定帶一份對方喜歡嘅食物— 一份格仔餅、一包限量口味嘅薯片,看似微小嘅習慣,但非常時期中仍可以保持這種熱度,對方一定能感受你嘅心意,已經算是愛情嘅投資了~

Photo from yumiko.chengy @ ig

#2  成為彼此嘅支柱

過住專注自己嘅事,永遠將自己嘅事放優先處理,好少主動去幫另一半分擔壓力,所謂「有些心意,不可等某個日子」,無心思顧及伴侶煩惱,兩人關係同樣會漸行漸遠。

應對方法:建立一種習慣令雙方有機會交流。例如唔需要番工嘅日子,一齊食早餐,夫婦、情侶更可以一邊共浴一邊傾心事。即使喺最忙碌嘅日子,都撥出少量私人時間,呢種習慣可以令你哋成為彼此嘅依靠同支柱。

Photo from wongmanyik @ ig

#3  唔好忽略伴侶尋求關注嘅異常行為

長期忽視伴侶,或者會令對方升級成惱人嘅行為。例如你正在忙,但對方會藉故喺周圍搵東搵西,你可能會因為咁而覺得煩躁,覺得「點解佢一直打擾我?」

應對方法:跟伴侶達成公平協議,例如:忙碌時唔好打擾對方,但臨瞓前會保留 15 分鐘時間傾計;減少用帶有傷害性句子—用「畀30分鐘我休息一陣先」等明確語句取代「宜家唔好嘈我住。」

Photo from wongtsuiyu @ ig

4.  「感激 取代「負能量」

排山倒海嘅工作,令人唔多餘心力處理各種小麻煩。不知不覺間累積負能量,而親密嘅伴侶往往成為發洩對象—你可能唔經唔覺一直喺電話中抱怨人多車多、ot時間太長、同事太煩......

應對方法:結束一日工作,跟伴侶見面、傾電話時,請確保你講嘅第一件事係積極、正面。例如:「今日雖然好忙,但完成咗好多工作」、「我回來了,謝謝你為我準備晚餐」

Photo from wongtsuiyu @ ig

Text:TopBeauty Editorial

Photo Source:Instagram

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK