當「痴身女友」成前度，想再次聽到晚安機會都沒有～男生眼中喜愛的「痴身女友」特質，更有被重視感覺。

對於男生來說，女友原來有分好多種，當中「痴身女友」喺網上論壇係最多男生留言表示最喜愛嘅女生類型，仲話有時見到自己兄弟個女友咁sweet，自己都好羨慕～依家就同大家分享下「痴身女友」有咩特質，睇下自己係唔係男生眼中嘅更值得愛類型啦！不過都留意返，痴身得太過份，會有弄巧反拙效果，所以要好好拿捏呀～

1.臨瞓前，每晚女友會講goodnight，可惜最後只成回憶。

其中一名男網民分享自己同「痴身女友」拍拖期間，每晚臨瞓前女友都會打電話講聲goodnight。雖然有時太累瞓著咗，女友著急搵唔到佢會嬲，但當女友唔再係女友，成了前度時就好後悔點解當初覺得好sweet嘅舉動之後會覺得麻煩，依家想再聽到佢講goodnight嘅機會都無。

Photo from ig @edwinsiu

Photo from ig @kalok_

2.肯聽男友電話

可能大家會諗：乜唔聽對方電話通常唔係男方咩？但原來咁諗就錯了！有男網民話以前交過一個唔痴身女友，每次打電話俾佢，佢都好隨心所欲咁接聽。但後來同咗依家既「痴身女友」一齊，不但次次都接聽，仲主動FaceTime，相比之下「痴身女友」令佢感受到被人重視感覺。

Photo from ig @q_gill

Photo from ig @ jacquelinebwong

3.主動報備行程的專屬「痴頭芒」

有位男網民幫女友起咗個花名叫「痴頭芒」，除左痴身仲會主動報備行程～就係依個時候，有另一部分嘅男網友表示羨慕，皆因女友都係先出發，後報備，感覺比單身更可怕！（笑了）

Photo from ig @benontheroad

Photo from ig @ ghlchan

4.常常把「我愛你」、「我想你」掛咀邊

原來最基本嘅嘢先最難求～有男網民話同女友拍拖日子耐了，「痴身女友」都慢慢不再痴身，想聽到當初最常講嘅「我愛你」、「我想你」都難過登天。其他單身男網民都話其實日日有人同自己講「我愛你」、「我想你」都係一件幸福事！單身男網民：哪有女！

Photo from ig @lajah

Photo from ig @matyeung

Text：TopBeauty Editorial

Photo Source：Instagram