找不到真命天子可能因為面相！嘴唇薄、鼻樑有節，5個面相特質的人，較易遲婚或不婚～

宜家嘅男女有好早婚嘅，都有好遲婚甚至不婚，雖然一切都變得司空見慣，但令人疑惑嘅係點解身邊有啲睇落人緣好好嘅朋友，遲遲未能遇到真命天子呢～原來迷信角度嚟睇，有某啲面相特徵嘅人注定長期單身、遲婚，唔知你同你身邊嘅朋友又中唔中呢？

# 眉骨明顯突出

眉骨突通常係男仔面相，所以擁有呢種面相嘅女仔通常都係男仔性格，比較爽快直接，而且比起戀愛，佢地會更專注於事業同個人發展，亦唔太了解男女間所謂愛情之道～

Photo from 李若彤 @Weibo

# 嘴唇薄

面相學上，嘴唇代表責任感同埋家庭觀，而女仔嘴唇薄表示佢地比較在乎自己嘅生活同感受，相對家庭觀念都比較無咁重，所以遲婚同不婚嘅機會都會增加～

Photo from 秦嵐 @Weibo

# 鼻樑有節

鼻樑有節係硬頸嘅特徵！所以好多鼻樑有節嘅女仔都會比較自我，非常有主見而且好倔強，唔善於接受其他人嘅意見，所以成日都會同另一半因為意見不合而起爭執，所以呢種女仔比較多會選擇自己一個或者遲婚～

Photo from 林志玲 @Weibo

# 額頭圓且飽滿

女仔頭偏圓飽滿通常事業心都好強，而且有獨立嘅思想獨立，比較不受約束，加上呢種女仔通常對另一半要求好高，會令另一半感到壓力，所以遲婚同不婚嘅機率亦相對高！

Photo from 陳喬恩 @Weibo

# 耳珠無肉

耳珠無肉嘅人好勝心較重，喺感情上想得到收獲但又因為自尊心而唔願意付出，最後會令別人唔敢展開追求～

Photo from joyfulck @Instagram

Text：TopBeauty Editorial

Photo Source：