張學友爆同哥哥張國榮對舞台有恐懼點名欣賞炎明熹唱歌唱得好！

By Agnes on 23 Apr 2023

Senior Editor

日前TVB播出由馬時亨主持的《馬時亨‧香港情》邀來歌神張學友做嘉賓，當中播出不少學友初出道的珍貴片段，而學友亦在節目中大爆不少鮮為人知的小秘密，同時再次點名大讚炎明熹唱得好！

Photo from TVB

透露自己有舞台恐懼症

很多粉絲都覺得學友在舞台上揮灑自如，但學友就在節目中大爆自己原來有舞台恐懼，他說：「有次喺頒獎典禮後台，我同張國榮先生一齊出場，佢喺後面係震晒嘅，我諗冇人會相信係咁，我都唔相信佢會驚，但佢真係震晒，佢問我：『學友，出面啲觀眾係點架？』，你哋係唔會知道我哋好多時都係好驚。」

直言「被迫」拍電影

其後學友被問到為何成為歌手後會向電影圈發展，歌神就直言是「被迫」，他提到「「第4隻唱片之後開始唔知點做，算係一個迷失期，尤其係到咗後期。當時好多十首歌之中，佢哋（唱片公司）目標只有一首或兩首，其他就係濫竽充數。我覺得基本上係一個致死原因。最後觀眾咪唔聽你囉。」由第一隻碟賣廿多萬張到後期《昨夜夢魂中》只得兩萬五千張，學友也開始擔心起來，因為當時他剛成家立室就更需要收入，剛好有人找他拍戲「有人搵我拍戲，我就咩都接。」

Photo from TVB

曾去過加拿大領事館傾移民

學友其後也提到自己多年前也曾考慮過移民「其實唔好講今日，我二三十年前已經講過，不如移民加拿大啦，考慮咗好耐，都係唔好。有一次我上到去加拿大領事館，當時話魁北克省最易，你去邊遞張表就得，去到坐喺度一諗，我以後面對都係外國人，嗰一下心情又頂唔順，又走咗。我諗我本身係裙腳仔啦，喺邊度就留喺邊度，呢個係對嗰個地方嘅感情。」

Photo from IG:yiminghay

大讚炎明熹唱得好

學友提到自己堅拒擔任歌唱節目導師或評審的原因，因為自己也是歌唱比賽出身，不忍心批評或踢走任何參賽者，加上自己並不是正統讀音樂或學音樂出身，所以無信心擔當任何評判工作！但學友也提到自己有留意近年比賽出道的歌手，當中特別點名炎明熹，大讚「唱得好好」，同時學友亦明言擔心炎明熹的休息時間不足，「我都係唱歌㗎嘛，有時都會見佢唱到無氣」！其實這並不是學友首次點名讚賞炎明熹，早前在《Star Talk》都有表示自己有留意炎明熹，認為她有潛質，值得鼓勵及更多機會。