中年好聲音｜周吉佩發揮超水準爆冷奪冠先斬後奏參賽與太太鬧大交！

By Evie on 24 Apr 2023

Digital Editor

TVB節目《中年好聲音》昨晚（23日）舉行總決賽《中年好聲音登峯之戰》，最後由周吉佩（吉吉）爆冷以115分贏得冠軍，歌唱老師李佳以4分之差得亞軍，季軍是羅啟豪。

Photo from 節目截圖

發揮超水準爆冷奪冠

周吉佩和李佳都以高分進入最後的環節，周吉佩獻唱《愛很簡單》，而李佳獻唱《Greatest Love Of All》，最後他們分別得分115分和111分，由吉吉爆冷奪得冠軍，評判指他比平日更有星味，表現發揮也超水準，周吉佩指：「我諗都冇諗過有機會喺度攞呢個獎，因為好多人留言同我講，要紅晨早紅咗啦，點會而家先嚟紅，但我成日都唔想放棄，因為我真係好鍾意、好鍾意唱歌！」又指自己本身入三甲都不敢想像，只是做好自己，聽天由命。

Photo from fb@吉吉爸爸

評判眼神比分數更滿足

而周吉佩指最滿足和驚訝的其實不是取得高分，反而是看到評判的眼神，他指評判今日看自己的眼神都好像比之前不同，特別是評判之一的伍仲衡：「佢望我個眼神今日好似係唔同咗，我覺得評判個眼神，畀我嘅滿足感仲大過個分數。」加上自己之前發揮不是太好，又有失準，但今天改善了信心不足的問題，反倒發揮出到水準。

Photo from fb@吉吉爸爸

感激太太支持

周吉佩在台上表示非常感激太太的支持和鼓勵：「我做歌手時好失敗，但佢冇嫌棄我又窮又冇出色，就算連份工都冇埋佢都係好支持我，多謝太太呢十幾年對我不離不棄。」也多謝支持他的人，「呢十幾年去打工賺錢都係為咗唱歌，行到今日好多謝《中年好聲音》一班兄弟姊妹，多謝評判，多謝我Fans，我從來都冇Fans，因為呢個節目我竟然有Fans Club！」

Photo from fb@吉吉爸爸

先斬後奏參加比賽

原來周吉佩這次參加《中年好聲音》是先斬後奏，太太黃彥欣最初是對老公參賽，「因為佢之前經歷，令佢沉得好緊要，我唔想佢嘥時間，佢真係好堅持，唔敢話我知，就偷偷去報名。曾經反對過佢參加比賽仲鬧咗好大場交，當時係焗住要接受但佢同我講：『唔使擔心，我唔同以前，依家長大咗係一個好老公好爸爸，我會有承擔。』估唔到呢個節目令我睇到除咗佢，仲有好多參賽者一齊去追尋一個夢，打動咗我，令我知道，係我冇夢，其實係好多人都有夢。」